Sa SOCA o ‘State of the City Address’
Na binigkas ni Mayor Oscar Rodriguez
Nitong nakaraang Lunes o August 8,
Sa akin, di ga’nung malinaw – ang Congress
Ay tinukoy niya at/o nagpasaring
Na siyang target nito ‘comes year 2013’
(Gaya na lang nitong nabasa po natin
Sa ibang pahayagang lokal dito sa tin).
Kundi ang pabirong baka pang-nasyonal,
Kung di sa Senado ay sa Malakanyang
‘As cabinet member’ ni P-Noy, kundi man
(Posibleng higit pa sa kanyang tinuran?)
Ang ilan sa mga posisyong nabanggit
Ni Oca sakali’t di ‘Representative’
Para sa ikatlong distrito ng ‘Province
of Pampanga’ itong nais na masungkit.
Pagbaba niya bilang alkalde ng siyudad
Ng San Fernando at pamuling haharap
Sa bayan upang ang pagsisilbing tapat
Na nasimulan ay kanyang mai-angat
Sa mas mataas pang antas ng serbisyong
Pambayan matapos pagsilbian itong
Pinaka-popular na siyudad sa ngayon
Ng ating ‘subject’ na ‘World Class City Mayor”
Na nagampanan ng buong kahusayan
At katapatan ang tungkulin sa bayan;
Kung saan pati na pang-internasyonal
Na ‘award giving body’ ay hinangaan
Ang kalinisan niya sa pamamahala
Kung kaya lubos ang kanilang tiwala,
Na ang isang katulad ni Mayor Oca
Ay maituturing na yaman ng bansa.
At posibleng gaya niya ang mag-aangat
Sa kalagayan ng mga mahihirap,
Tulad nang ngayon ay pagtaas ng antas
Nitong kabuhayan ng nasa ‘middle class’
Ng siyudad mula disinuebe porsyento
Ay tumaas hanggang kuarenta porsyento,
Ang dating kalagayan ng mga ito
Mula nang mag-mayor siya ng San Fernando.
Ang ‘poorest of the poor’ nating tinatawag
Ay lumiit din ang bilang n’yan sa siyudad,
Sanhi ng programang ipinatutupad
Ni mayor Oca sa mga kapos-palad.
At pagbibigay ng tulong na pinansyal
‘In terms of loan’, na kung saan kahit utang
Ay walang interes na binabayaran
Ang gustong humiram ng mapupuhunan.
Ang ‘Sagip Ilog’ na proyekto ni Mayor
Ay matagumpay din nitong naisulong;
Kaya umulan man ng malakas ngayon
Di na babahain ang lubugin noon
Pagkat ang dati ay mga nagtayuhang
Istraktura nitong ‘informal settlers’ diyan
Ay pinagiba na ng Pamahalaang
Lungsod sa bisa ng isang kautusan
Na ang nilalayon nito’y mapaalis
Ang mga ‘squatters’ nito sa paligid
Na siyang nagsisilbing malaking balakid
Upang bumilis ang pag-agos ng tubig.
(May karugtong)
