1
PEOPLE’S POWER REVOLUTION sa taong 1986
na kung saan ang pangulong si MARCOS ay napatalsik
sa panahon natin ngayon tila malabong MAULIT
na ang ating PRESIDENTE sa pwesto ay mapaalis
pagkat ang katapattan ng ARMED FORCES OF THE PHILPPINES
mananatiling matatag sa KONSTITUSYON sasandig
2.
Noong araw, ang lahat ng PILIPINO’y nagkaisa
upang mabigyan ng daan ang hangad na DEMOKRASYA
nais nila ay mabago yaong bulok na SISTEMA
dahil sawa na ang tao sa gubyernong DIKTADURYA
at ang EDSA REVOLUTION ang ginamit na sandata
payapang pamamaraang uri ng PAKIKIBAKA
3.
At dahil sa pagkamatay ni dating SENATOR NINOY
ay nakuha ang simpatya nitong mamamayang PINOY
pati mga kaalyado dati ng pangulong MACOY
sumali rin sa malawak at payapang DEMONSTRASYON
buong mundo’y nakamasid kung saan nga ba HAHANITONG
ang naganap na protestang unang EDSA REVOLUTION
4.
Sa panahon ni ARROYO ang EDSA DOS ay naganap
at matagumpay din naman na napatalsik si ERAP
ang ganyang sistema noon lagi ang nagiging ARMAS
upang mga nakaupong pangulo ay MAPABAGSAK
tila baga nauuso ang ganitong PANININDAK
ng mga mamamayan ng INANG BAYANG PILIPINAS
5.
Subalit kung IHAHAMBING ang nangyayari sa ngayon
ibang-iba talaga sa nakalipas na PANAHON
mga tao’y watak-watak sa pananaw at UPINYON
at lito ang PAG-IISIP kung kanino sasang-ayon
sa mga NAGLULUNSAD ba ng protesta’t demonstrasyon?
o sa mga taong nasa panig ng ADMINISTRASYON ?
6.
At sa mga nagaganap na mga KILOS PROTESTA
puro PANINIRA lang ang maririnig sa kanila
na kung pakasusuriin may BAHID ng pulitika
ang kanilang panawagan na tayo ay MAGKAISA
at sa mga PAG-AAKLAS na inilulunsad nila
nanganganib MAWASAK ang daloy ng ekonomiya
7.
Lalo’t tila LUMILIHIS sa tunay na adhikain
ang kanilang DEMONSTRASYON kung matamang iisipin
bakit hindi ang korapsyong TALAMAK sa bansa natin
ang kanilang IPAGLABAN na siyang dapat bigyang pansin
hindi ang panawagan na sa pwesto ay PATALSIKIN
ang presidente ng bansa na tangi nilang LAYUNIN
