Di man naging ningas kugon noong una
Na maupo bilang Alkalde ang isa
Sa hinahangaan at kinikilala
Nating ‘among the best’ dito sa Pampanga
Ay kapansin-pansin ngayon itong tila
Pagtamlay ng kaunti ng dating masigla
At halos ay walang pahinga rin yata
Niyang pagharap sa opisyal na gawa
Na kung saan alas 7:00 pa lang noon
Ay nasa opis na ang butihing Mayor
Upang kaipala’y magsilbing ‘example’
Sa ‘rank & file’ para maging ‘responsible’
Sa ‘official duties’ na dapat gampanan
Ng lahat pati na ‘casual’ at contractual’
Na kasalukuyang nasa Palingkurang
Pambayan ng lugar na nasasakupan
Na dati, ayon sa pagka-alam natin
Ay walang regular na oras ang dating
At uwian itong ilang ‘magagaling’
Na empleado riyan bago siya dumating
At maging Mayor nga sa kanilang bayan,
Na lubhang malayo sa posisyong tangan
Bilang may-ari at manager din bilang
Ng sariling ‘business’ sa kasalukuyan.
Na disiplinado ang oras ng pasok
Ng lahat – at siyang pina-iral lubos
Ni Mayor mula nang siya ang maluklok
Bilang punongbayan – tulad ng sa lungsod
Kung saan ang kanyang mga pamalakad
Sa ‘self own company’ nasa tamang oras,
At siya kasama ang mahal na kabiyak
Itong sa sariling negosyo may hawak
Na pansamantala’y iniwanan muna
Ang pangangasiwa sa kanyang asawa
Para lamang makapagsilbi kumbaga
Sa mga kabalen dito sa Pampanga.
At talaga namang ginawa ang lahat
Ni Mayor para lang nito maipamalas
Ang serbisyong tunay na walang hinangad
Kundi pagsisilbing malinis at tapat
At kung saan pati personal na bulsa
Ng butihing Mayor ay damay lagi na
Sa bukal sa pusong pagtulong sa masa,
Lalo sa maysakit na kabalen niya.
Pero aywan at kung bakit sa kabila
Ng lahat ng kanyang mabuting nagawa
Ay para bang hindi nakita po yata
Ng iba, kaya siya (tinabangang bigla?)
O medyo nawalan na siya ng gana
Para magpatuloy sa pagsisilbi niya?
Dala na rin nitong dismayado siya
Sa naging takbo ng pinal na resulta?
Na bagama’t panalo kung tutuusin
Ay di ganoon lang kaliit ang margin
Na inaasahan pati sa sariling
Barangay na di niya sukat akalain?
Kung kaya maaring siya’y mag-lie low na
At ang hangaring makapagsilbi sa masa
Ay baka hindi na katulad nang una,
Sanhi ng ‘frustration’ na naranasan niya?
Mayor ang tangi kong masasabi ngayon:
Harapin ng buong giting ang situasyon
At huag padala sa sariling emosyon;
(Isipin palagi na ang uma-ayaw
At sumusuko nang wala sa panahon
Ay di nagwawagi sa dakilang misyon!)
