SA AKALA kaya nitong kay Pangulo
ay palaging pintas ang ibinabato
sa kanya ng mga di niya kaalyado
ya’y makabubuti sa ating gobyerno?
At sa akala r’yan kaya nitong iba,
makabubuti rin itong palaging siya
itong sinisisi t’wing may ma-tokhang na
‘pushers & users’ ng iligal na droga?
Sa akala kaya rin nina Trillanes,
Risa Hontiveros, at Renato Reyes
(ng Akbayan) ay may positibong ‘effect’
ang kakabanat n’yan sa ‘sitting president?’
Ano sa akala rin nitong CHR
ang posibleng ikabuti rin ng bayan
kung pati na salot ng ating lipunan
ay kinukunsinte’t ipinaglalaban?
At sa akala rin kaya ng marami,
sakali’t hindi si Rodrigo Duterte
ang pinalad mahalal na presidente,
di kaya ang ‘tulak’ ay lalong matindi?
At sa akala ba natin sa puntong ‘yan
ay di pa posibleng kahit sa tiangge lang,
makabibili na riyan ng naturang
paninda ang mga gumon na sa ganyan?
Kaya nga’t kung hindi si Pangulong Digong
ang pumalit sa Malakanyang kay PNoy,
higit marahil sa otsenta porsyentong
bilang ng kasalukuyang populasyon,
Adik na sa shabu at iba pang bawal
na bisyo ang ating mga mamamayan
sanhi nitong halos araw-araw na lang
ay hindi kakaunti ang napapabilang.
At kung saan naisin man ni Pangulo,
na masolusyonan ang bagay na ito
‘during his 6 year term,’ kapag hindi nito
ginawa ang ika nga’y ultimo remedyo.
Kaya nga sa punto ito ang maaring
alternatibo na lang ng Pangulo natin,
kamay na bakal ang kanyang pairalin
upang ang lahat ay magawang sugpuin
Kung saan pati na ang kanyang hinalang
ang bagsakan ng droga’y mga barangay
(opisyal,) panahon na para palitan
itong sa ngayon ay nasa katungkulan
Na kung saan itong mga malalaking
pamilya ang siya’ng sa puesto palaging
papalit-palit sa hawak na tungkulin,
dala ng mahirap silang kalabanin
At ibaba sa pagka-punong barangay
nitong ang laman ng bulsa ay barya lang,
kaya ang planong NoEl ng Malakanyang
ang posibleng higit na kinakailangan.
Sanhi na rin nitong ‘being familiar with
each other in any particular office,’
diyan umuusbong ang ika’y malimit
na ‘connivance’ sa hindi kanaisnais.
In due time, the soonest, our beloved president
Is expected to move new form of government,
Which he believes is much better than the present
Form that he wants to push through for a total change.
(Kaya kayong mga opisyal na ‘corrupt’
na walang ginawa kundi magpasarap,
maghanda-handa na ng pinal na ulat,
kung saan ang IRA n’yo nagasta lahat!)
