Pilan nang aldo ing kekatang panayan
Pihu ta’ na namang miuman pagmasusian
Ing masayang aldo’t petsang panga-pundar
Ning pakamalan tang’ Indung Lalawigan.
Menasa, Oktubre pamu plantsadu na
Ing sablang bage a kailangan isadya;
Kabilang no’ ken ding papanibalan da
King peka-maselan nang dake ning MOKA
Ating komiti keng nung ninu ring sanak
Karing nominadu a karapat-dapat
Misabitan galal – king nanu’ing ambag
At sinuyu reti bilang keyang anak
Ating miayaliwang klasing presentasyun
A kaugne niting mesabing okasyun;
Mupin, ing pintas ken ding aliwang mirun
Baket y Uncle Sam yang parating Timun?
Kase, masasabing Aldo neng Beitan
Ning Kapampangan ing dapat pagmasusian,
Pero nung insanu ing Amanung Sisuan
Yang alang dake king nanu mang adle nyan!
Umpisa, angga na king lubus mayari
Ing mesabing aldo a pamagmasusi,
Pasalamat ka nung ating magkamali,
A ing Sabing Mana tagkilan de bili.
E ta’ lalako ing maniabi lang Inglis
Nung iti yang dapat salitang magamit;
Pero, keng aldo na niting panga-bait
E ta’ neman rugu pabusten tatangis.
At ing metung da pang pangisnawang saldak
Ding king Amanu mu, lilinang, lilingap,
Ya’ytang nung insanu ding tune nang anak
Ila ring ala nang dake agyang ditak.
At deng apili rang pamandinan galal
Keng mengalabas a pamagmasusing yan,
Nanu’t nanan ta’ man yata pung sanakan
Ding aliwa e la sukat mang mirinan?
Baket uli na mo’ ning metung yang tanyag
A komersyanti ken o personalidad,
Malyari neng yabe, sabitanan ‘award’
Agyang alang gewang keka mekakayap?
Kabang karakal da ring karapat-dapat
Yabe ban mirinan masampat a oras
At talaga ating malino ayambag
Keti keyang balayan ibat pa king ibat
Bilang ‘Most Outstanding’ nanu ing criteria
A sukat pagbasian karing ‘nominees’ da?
Munang makailangan ya Kapampangan ya
At aktibu dapat king kategorya na.
E wari ing paksa ning pamagmasusi
Inggil mu keka at karing kekang Dai?
Nung nu’ ing kultura’t tradisyun ning lipi
Yang nanan tana mu e sa’ malumpawi?
Pero ngeni nanu ing tune parasan,
King e makatud dang pamanalakaran,
Ding mengasiwa keng pamagmasusing yan
King mapilan banua reting pamanalan?
Ding e ta’ balu nung lipi nong’ Uncle Sam
O palipi nong’ Balagtas ning Bulacan?
Ngening ing Amanung sukat tang’ gambulan
Salimpusa ya neng Aldo mung Beitan!!!
Pihu ta’ na namang miuman pagmasusian
Ing masayang aldo’t petsang panga-pundar
Ning pakamalan tang’ Indung Lalawigan.
Menasa, Oktubre pamu plantsadu na
Ing sablang bage a kailangan isadya;
Kabilang no’ ken ding papanibalan da
King peka-maselan nang dake ning MOKA
Ating komiti keng nung ninu ring sanak
Karing nominadu a karapat-dapat
Misabitan galal – king nanu’ing ambag
At sinuyu reti bilang keyang anak
Ating miayaliwang klasing presentasyun
A kaugne niting mesabing okasyun;
Mupin, ing pintas ken ding aliwang mirun
Baket y Uncle Sam yang parating Timun?
Kase, masasabing Aldo neng Beitan
Ning Kapampangan ing dapat pagmasusian,
Pero nung insanu ing Amanung Sisuan
Yang alang dake king nanu mang adle nyan!
Umpisa, angga na king lubus mayari
Ing mesabing aldo a pamagmasusi,
Pasalamat ka nung ating magkamali,
A ing Sabing Mana tagkilan de bili.
E ta’ lalako ing maniabi lang Inglis
Nung iti yang dapat salitang magamit;
Pero, keng aldo na niting panga-bait
E ta’ neman rugu pabusten tatangis.
At ing metung da pang pangisnawang saldak
Ding king Amanu mu, lilinang, lilingap,
Ya’ytang nung insanu ding tune nang anak
Ila ring ala nang dake agyang ditak.
At deng apili rang pamandinan galal
Keng mengalabas a pamagmasusing yan,
Nanu’t nanan ta’ man yata pung sanakan
Ding aliwa e la sukat mang mirinan?
Baket uli na mo’ ning metung yang tanyag
A komersyanti ken o personalidad,
Malyari neng yabe, sabitanan ‘award’
Agyang alang gewang keka mekakayap?
Kabang karakal da ring karapat-dapat
Yabe ban mirinan masampat a oras
At talaga ating malino ayambag
Keti keyang balayan ibat pa king ibat
Bilang ‘Most Outstanding’ nanu ing criteria
A sukat pagbasian karing ‘nominees’ da?
Munang makailangan ya Kapampangan ya
At aktibu dapat king kategorya na.
E wari ing paksa ning pamagmasusi
Inggil mu keka at karing kekang Dai?
Nung nu’ ing kultura’t tradisyun ning lipi
Yang nanan tana mu e sa’ malumpawi?
Pero ngeni nanu ing tune parasan,
King e makatud dang pamanalakaran,
Ding mengasiwa keng pamagmasusing yan
King mapilan banua reting pamanalan?
Ding e ta’ balu nung lipi nong’ Uncle Sam
O palipi nong’ Balagtas ning Bulacan?
Ngening ing Amanung sukat tang’ gambulan
Salimpusa ya neng Aldo mung Beitan!!!
