TODO-PURI si Marian Rivera kay Alden Richards. “Hindi ako nagkamali ng pagpili na siya ang makasama ko kasi napaka-dedicated sa trabaho,” sabi pa nito. “Seryoso sa craft niya.
Dahil din sa pagsasama namin dito, nakilala ko siya nang husto sa mga kuwentuhan during taping breaks at na-realize kong napakabuti niyang anak at kapatid.
Mapagmahal siya sa pamilya niya, talagang mabuting tao. At marespeto siya sa mga kasama niya sa work. Hindi kagaya ng iba na may yabang factor.”
Ano naman ang take niya sa mga bashers sa internet? “Naku, ignore na lang. Pinapasa-Diyos ko na lang kasi pinagtatanggol din naman ako ng sarili kong fans. Also, I realized, maraming ibang nagmamahal sa akin.
I have my own family who always support me, pati ‘yung papa ko’t mga kapatid ko sa Madrid.
Basta puno ka ng pagmamahal sa buhay mo, hindi ka madi-discourage at malulungkot, lalo na nga’t patuloy rin ang dating ng blessings sa akin. This March is really a good month for me sa dami ng mga nabubuksang bagong pinto of good opportunities.
Memorable din kasi ga-graduate this month si Dingdong from college sa business course niya sa West Negros University. Sasamahan ko siyang umattend ng graduation with his parents.
Magpapaalam ako sa taping namin ng ‘Carmela’. ”
