MAGANDA ANG naging simula ng career nina Alden Richards at Louise Delos Reyes bilang member ng tween stars ng GMA 7. Kasama ng ilan pa, gaya nina Derrick Monasterio, Jake Vargas, Bea Binene, Joshua Dionisio at ng ilan pa, nabigyan ng kani-kanyang break ang mga batang ito.
Pinagtambal sina |Alden at Louise sa isang pumatok na pantaserye na nasundan ng dalawa pang pumatok ding love stoy, tumaas ang kanilang balor at ngayon nga nabigyan sila ng malaking roles sa bagong teleserye ng GMA 7. Si Alden, ipinapareha kay Marian Rivera at si Louise naman binigyan ng challenging role at si Aljur Abrenica ang kapartner niya.
Sa ganitong development, puwede nang ituring na malaking stars ang dalawang batang ito at hindi na kaliga ng iba pang tween stars. Although, potential ding lumaki ang mga pangalan ng ibang tweens, malayo na sila sa agwat kina Louise at Alden.
The two joined the big league at ngayon nga inaalagaan sila bilang mga future superstars sa GMA 7. Malapit nang ipalabas ang Carmela ni Alden at ang Kambal Sirena ni Louise. Sa ngayon pa lang, tinatayang aalagwa sa ratings ang dalawang serye na ito na bukod sa mga promising na gaya nina Alden at Louise, ayan at kasama nga nila’ng malaking artistang gaya nina Aljur Abrenica at Marian Rivera.
