Sa pagkapanalo ni Mayor Rodriguez
Ng City of San Fernando (o CSF),
Laban kay 3rd District Congressman Gonzales
Nitong Mayo 13 sa Congressional race
Yan ay malinaw na pagpapahiwatig
Na marami pa ring kay Oca mas higit
Ang tiwala kaysa gaya ni Gonzales
Na ang ‘expertise’ ay parang luksong tinik?
Kung saan nakita ang kasanayan niyan
Sa pagtalon nito sa bangka ng ibang
Political party nang ang sinasakyan
Ng naging Pangulong Gloria Macapagal
Ay tumagilid at manganib lumubog
Dala nitong iba’t-ibang klaseng unos
Na biglang sa bangka ni Mam ay sumiklot
Nang ang ‘term of office’ niya ay matapos.
(At animo’y parang naging kalakaran
Na ang sistemang yan na pinasimulan
Kay Joseph Estrada – pero makaraan
Na maipakulong pinalaya rin yan.
Na di rin malayong kay Pnoy mangyari
Kapag ang ‘pattern’ ng kay Erap nangyari
Ay pamuli’t-muling magiging ‘destiny’
Ng mga susunod pang Pangulo pati.)
At sana nga’y di na muli pang danasin
Ng iba pang magiging Pangulo natin
Itong kay GMA – na kung saan dahil
Sa hinala lamang ay nakasuhan din
Pero si Erap ay hinayaan namang
Lumabas ng bansa at di hinigpitan
Na kagaya ngayon ng ginawa kay Mam,
Ng kasalukuyang nasa Malakanyang)
At hindi malayong kaya nagka-‘daga’
Sa dibdib si Cong ay kanyang inakala
Na posible siyang sumabit kung kaya
Naging maagap sa pagtalon nang bigla
Sa bangka ng iba para mailigtas
Ang sarili at di siya mapahamak
Ng husto sakali’t tuluyang lumigwak
Ang bangka ni Madam na dating matatag.
Alalaon baga, siniguro nito
Na siya ay hindi madamay ng husto
Sa naging problema ng dating Pangulo
Sakali’t tuluyan nang makulong ito.
Yan sa ganang aming sariling opinyon,
Ang isa sa ilan pang matinding ‘factor’
Na nakasira r’yan ng husto kay Cong Dong,
(At kung saan siya naging ‘virtual traitor?’
Sa mata ng iba?) At ito marahil
Ang ikinatalo – at di ang ‘vote buying’
Na katulad nitong akusasyon mandin
Ni Gonzales laban sa nakatunggaling
Si Mayor Rodriguez ng tanyag na lungsod
Ng San Fernando at kilala rin halos
Sa buong daigdig bilang isang bantog
Na lider, sa husay at linis maglingkod!
(Pamanyaling botu e ya kasangkanan
Ban makapihu yang sumambut kenu man
Ing metung a tau – uli ning katutuan,
Ding botanti ngeni biasa na la naman.
Kase mapalyaring kuanan de ing pera,
Pero ing yalal den ing tune buri ra;
Inya nung i Oca mu e na gawan ita
Uli ning talagang megaral ya’t biasa!)
