HINDI PA rin pala okay sina Ai-Ai delas Alas at Kris Aquino. Ito ang napansin ng entertainment press sa grand presscon ng Dyesebel base sa mga sagot ni Comedy Queen.
Although hindi naman niya diretsahang sinabi na hindi sila okay, mahahalata mo naman ito sa kanyang mga sagot. Pero nilinaw ng Comedy Queen, hindi sila galit ni Kris.
“Hindi kami galit. Huwag n’yo nang tanungin about si Kris. Kasi lumalaki nang wala namang kwenta. Huwag na, manahimik na lang,” say niya.
Sirena ang role ni Ai-Ai sa Dyesebel at fi rst time ever niya raw na gumanap ng ganitong papel. Siya ang ina ni Anne Curtis sa tubig at para sa seryeng ito ay nagaral din siyang lumangoy.
In fact, nalunod pa raw siya habang nagti-training and good thing, nasagip naman daw siya agad ng kanyang trainor. “Pero marami akong nainom na tubig. Glug! glug! glug! talaga,” say niya na ikinatawa ng press.
When asked kung bakit niya tinanggap ang maging supporting samantalang reyna na siya, aniyang walang kaplastikan, kailangan daw niyang mag-work dahil naka-guaranteed contract siya.
“So, kung wala pong work o may work, pareho lang, sumusuweldo ako. So, nag-work po ako. Kasi, hindi rin naman sila ganu’n kabait na wala akong work pero may suweldo ako.
“So, nandito po ako. Wala naman po akong choice kungdi sundin sila. Isa po akong mabuting sundalo,” she said na tinawanan naman ng press.
