OLONGAPO CITY—Milyong pisong halaga ng mga pera at alahas ang natangay ng mga di pa kilalalang miyembro ng AcetyleneGang nang kanilang pasukin ang dalawang pawnshop at isa pang establisimiyento sa lungsod na ito.
Ayon sa ulat, sa pamamagitan ng pagdaan sa drainage nakapasok ang magnanakaw sa Eenel-Ayyan at Don at Donna Pawnshop and Money Changer sa Rizal Avenue malapit sa city hall at Police Station 1 ng Olongapo City PNP.
Pinasok din ng mga magnanakaw ang service outlet ng Western Union sa Rizal Avenue.
Hinala ng pulisya matagal ng sinu-survey ng mga suspek ang lugar bago isinagawa ang pagnanakaw.
Walang securiry guard at naka-install na CCTV camera na siyang tutukoy sa pagkakakilanlan sa mga suspek.
