OLONGAPO CITY- Dead-on-the-spot ang isang abogado nang pagbabarilin ito ng motorcyle riding-in-tandem sa Barangay West Bajac-Bajac sa lungsod na ito.
Kinilala ng pulisya ang biktimang si Atty. Ian Velacruz, 36, residente ng No. 25-C Fountain Street ng nabanggit na barangay.
Ayon sa ulat pagkababa sa sasakyan na van (BER-796) ng biktima mula sa kanyang likuran ay kaagad itong nilapitan ng dalawang di kilalang suspek sakay ng motorsiklo at saka ito binaril ng malapitan.
Ang biktima ay nagtamo ng dalawang tama ng bala sa ulo mula sa kalibre 45 baril.
Kaagad itong dinala sa pagamutan,subalit binawiaan ito ng buhay habang nilalapatan ng kaukulang lunas.
Nakarekober ang SOCO sa pinangyarihan ng krimen ng isang slug at dalawang basyo ng kalibre .45 baril.
Inaalam din ng pulisya kung ang pagpatay sa biktima ay may kaugnayan sa mga sensitibong kasong mga hawak nito tulad ng land dispute.
Patuloy ang isinasagawang follow operation ng Olongapo PNP hinggil sa nasabing krimen.
