Malaking bagay din itong naitulong
Ni Rep. Martin Romualdez sa San Simon,
Kung saan kahit na wala si Mayor Wong
Nang magsadya siya’t magbigay ng tulong
Para sa binaha ay masuyo siyang
Namudmod ng ‘relief’ sa barangay San Juan,
Kasama si Mayor Jun Tetangco’t kanyang
Kalihim at iba pa nilang alalay.
Dala ang ‘private dump truck’ ni Sir Tetangco,
Na puno ng ‘relief goods’ para sa tao;
Sa barangay San Juan mahigit limang libo
Na naka-plastic bag ang binigay dito.
Maliban sa mahigit sa limang libo rin
Na naipamigay sa kasunod manding
Barangay San Pedro base sa ‘source’ natin,
Bago sa ibang lugar ay nagpamigay din.
At naglibot para bisitahin din niya
Ang mga lugar na binaha talaga
Upang kahit papano makatulong siya
Sa iba pang bayan dito sa Pampanga.
Sa kaalaman ng mga Kapampangan,
Si Martin Romualdez, ng Leyte kabayan,
Ay dugo rin naman siyang Kapampangan,
Kasi kabalen ni Boking ang Nanay niyan.
(At isa si Congressman Martin Romualdez
Sa naging matapat na kasanggang dikit
Ni Madam Arroyo sa National Congress,
Na di nag-‘over-the’bakod’ nang magipit
Ang ating mahal na Pangulong si Gloria,
Na hanggang ngayon ay minamaltrato pa
Ng rehimeng Aquino sa di pagbigay niya
Ng ‘house arrest’ na lang kahit maysakit siya.
Romualdez, the lone senatorial candidate
Of the Lakas party of former President
And now detained Pampanga Representative
Gloria Macapagal – remained a friend in deed.
At di niya nagawang talikuran si Mam,
Na kagaya riyan ng asa ay kabagang
Pero nang ang bangka ni Ate, gumiwang
Biglang tumalon sa bangka ng kalaban).
Marapat lamang na itong si Congressman
Martin Romualdez ating pagtulungan,
Na maisulong ang kandidatura niyan
Sa pagka-Senador bilang kababayan.
Na maaasahan ng ating probinsya
Sa ilang bagay na lubhang mahalaga,
Na hindi nagawa marahil ng iba
Nating nag-Senador na taga Pampanga
Partikular na riyan itong di malaman
Kung saan tatakbo tuwing may halalan,
Pero kahit man lang sa pagka-Konsehal
Ay di humabol sa sarili niyang bayan?
Dalawa nga kasing klaseng pulitiko
Itong sa tuwina’y mahilig tumakbo;
Ang isa, ‘yong handa niyang isakripisyo
Para sa tungkulin ang sarili nito.
At ang pangalawa ay ‘yong para bagang
Pampa-‘pogi points’ lang ang panunungkulan,
Kaya nga’t kung saan nilang maisipang
Tumakbo ay sugod kanduli kung minsan?
At kahit batid na sila’y di marapat
Sumawsaw sa ganyan ay nakikigayak
Humabol dahil sa personal na hangad?
Di baleng umani ng matinding pintas!
