Kung ilang taon ng sa DAR nakabimbin
Ang usapin hinggil sa nabili naming
Kapirasong lupang ‘home lot’ kung tawagin
Sa ahensyang ito ng gobyerno natin.
Na dati’y bahagi ng lupang sakahang
‘Landed Estate’ at ang ‘beneficiaries’ niyan
Ay kung sino bale ang ‘actual occupants’
Ng mga ‘home lot’ na kwenta itong Land Bank
Ang siyang may hawak at bale naniningil
Sa mga ‘occupants’ ng mga nasabing
‘Home lots’ sa dahilang sa bangkong yan galing
Ang ipinambayad ng gobyerno natin
Sa naturang lupa na pag-aari riyan
Ng angkang Gonzales – at ang opis ng DAR
Ang nangangasiwa o ‘implementing arm’
Sa anong marapat sunding patakaran
Bago mailipat ang mga titulo
Ng lupa sa lahat ng benepisyario,
Kabilang ang bawal ipagbili ito
O isangla man lang kahit na kanino
Maliban lang sa kung anong nasasaad
Na probisyon at kung saan tanging anak
O isang malapit lang na kamaganak
Ang puedeng magmana pagdating ng oras
Na mamatay itong ‘allocatee’ bilang
O ‘beneficiary’ ng programang iyan
Ng ating gobyerno na hawak nga ng DAR
Ang pamumudmod sa kinauukulan
Na nilabag nitong si Felicitas Cruz,
Nang isangla nila at di na natubos
Sa isang Rural Bank hanggang sa natapos
Ang kung ilang taong bigay na ‘grace period’
Para mabayaran ang pagkakautang
Hanggang sa ibenta ng pinagsanglaan
‘In a public auction sale’ ng kaliwaan,
At ako nga itong ‘buyer in good faith’ niyan.
Ganyan lang kasimple itong aming kaso
Laban sa dating ‘beneficiary’ nito,
Pero hanggang ngayon ‘pending’ pa rin ito
Sa opis ng ‘presiding officer’ mismo
Ng PARAB, sa Lungsod nitong San Fernando
Gayong ang usaping ya’y galing na rito
At na- elevate na sa Regional ito,
Sometime in 90’s or seventeen years ago
Pero nagrigodon at ya’y ibinalik
Sa PARAB sapagkat ang mga papeles
Na dapat umusad sa Regional Office
Ay ibinasura nitong may interes?
Na i-reverse nila ang Recommendations
Ng ‘lower branch’ pagkat kay ‘yours truly’ pabor
Ang isinumiteng mga ‘findings’ noon
Base sa resulta ng ‘imbestigation’
Ni Legal Officer Henry Macalino,
Na sinang-ayunan o ‘affirmed-in-toto’
Kay Atty. Mer Cunanan kung kanino
Sa amin nina Cruz dapat i-award ito.
Na aywan kung bakit di pa rin ma-resolve
Ng ahensyang ito ang halos nilumot
Na naming usapin kung di hokus-pokus
Ang posibleng sanhi ng lahat sa loob?!!!
