Kung nomiro uno sa pagliban noon
Ang isang naging Alkalde sa San Simon,
At kung saan ang kanyang administrasyon
Animo ay isang barkong walang timon
Na siklut-siklutin ng alon sa dagat
Pagkat ang ‘Capitan de Barko’ ay tamad
At wala sa tamang direksyon ang layag
Kung kaya paurong ang pasulong dapat
Ay kabaligtaran sa kasalukuyang
Pamamalakad ng ‘chieftain’ o Capitan
Na bihasa at sadyang maa-asahan,
Sa mga tungkuling marapat gampanan.
Na talagang handang magsilbi ng tapat
At hindi para lamang magpakasarap
Habang nasa puesto… at anumang oras
Ibiging lumayas nawawala’t sukat.
Pero katulad nga ng ating nasabi
Ya’y taliwas ngayon sa bagong Alkalde,
Sa dahilang napakasipag din pati
At di palaliban sa ‘official duty’
At kahit di simpleng araw ay ‘visible’
Sa tanggapan nito sa Municipal Hall,
Ang kagalang-galang at butihing mayor
Ng San Simon na si Mrs. Leonora Wong
Partikular nitong nakaraang linggo
Matapos na tayo’y dalawin ng bagyo.
At ang lahat halos ng barangay dito
Ay lubog sa baha d’yan ng lampas tao
Upang mamudmod siya ng ‘relief’ o rasyon
Na bigay ng ating butihing Governor
At ng ibang opisyal dito sa rehiyon,
Gaya ng bantog na ‘World Class City Mayor’
(Na imbes yata sa Lungsod San Fernando
Ipamigay n’yan ang galing sa Palasyo,
Yan ay sa San Simon na pinadiretso
At kusang loob na ipinasa nito;
Kay mayor Wong upang kahit papaano
Ay makatulong sa kababayan nito,
Na hanggang ngayon ay lubog pa rin dito
Ang poblasyon sa may dating munisipyo)
At ni mayor Edpam ng Angeles city
Na di lang ‘relief goods’ at iba pang klase
Ng pagtulong ang in-‘extend’ ng Alkalde
Kundi ng ‘medical mission’ na rin pati.
Kasama si Vice Mayor Vicky Cabigting
At iba pang opisyal sa ‘city hall’ din,
Katuwang ang ilang kasamahan sa ‘team’
Ng naturang misyong kusang inihain.
Sa taga San Simon na lubhang dumanas
Ng di matingkala’t sobrang paghihirap
Upang kahit papano’y mabigyang lunas
Ang hinagpis sa nagdaang kalamidad.
Na di nagawa ng alin pa man yata
Sa mga naunang umigit ika nga,
Partikular na ang kailan lang bumaba,
Sa loob ng ‘9 years’ na pamamahala.
Sa kadahilanang di naging aktibo
Itong pinalitan sa tungkulin nito,
At di gaya ngayong tunay na seryoso
Sa ‘official duty’ ang alkaldeng bago.
At ginagampanan sa lahat ng oras
Para sa kabalen ang sadyang marapat
Upang kaipala sa araw ng bukas
Ang San Simon ay patuloy na umunlad
Ganyan kaseryoso sa mga gampanin
Para sa kabalen ang ‘neophyte’ pa mandin
Sa paghawak ng ganyang klaseng tungkulin,
Pero kita agad ang husay at galing!
