Kung tunay mang bawat SB Secretary
Ay di obligadong pumasok ng ‘daily’
Upang harapin ang opisyal niyang ‘duty’
Sa isang bayan o ‘municipality’
Siguro naman ay kahit tatlong beses
O ‘twice a week’ lamang – dapat nasa opis,
Para kahit man lang ultimong papeles
Ng Sanggunian ay kanyang mai-‘update’
O maisa-ayos sa tamang kalagyan
Upang pagdating sa oras na kailangan
Ay madali nitong makuha kung saang
‘Filing cabinet’ niya ito nakalagay.
Pagkat bilang isang SB Secretary
Ay di lang sa oras ng ‘Session’ ang ‘duty’
Ng sinuman – sila marapat magsilbi,
Kundi maging sa ibang bagay na rin pati.
Na posibleng maitulong halimbawa
Kina Mayor at Vice sa pamamahala
Kung ya’y nasa opis – kaysa laging wala
At ni anino ay di natin makapa.
Di nalalayo yan sa gawa ng isang
SB Secretary dito sa isang bayan
Sa parting timog ng ating lalawigan,
Na parating wala sa kanyang tanggapan.
At kung pumasok man, kamalay-malay mo
Ay naka-alis na pala ang damuho,
Gayong minsa’y wala pang beinte minuto
Ang itinagal n’yan sa tanggapan nito.
Kaya kung may sadya ka kay Mr. Pogi
Ay tiyakang ikaw ay bigong uuwi;
Kasi nga po’y mabibilang sa daliri
Ang ‘attendance’ nito ng kay dali-dali.
Aywan nga lang natin, kabayan kung bakit
Mula’t sapol yata’y ganyan na ang ‘practice’
Ni Sec gayong sila ngayo’y gumagamit
Na ang bayan nila nitong ‘biometrics’
Na ipinalit n’yan sa Daily Time Record,
Na karaniwan ng ya’y sinusuksok
Sa makinang dati’y siyang nagre-rekord
Nang kung oras lumabas – pumasok.
Pero itong si Sec, ayon na rin sa ‘ting
Napag-alaman ay tigasin ang dating;
Pagkat si mayor na yata ang pumansin
Ay bale wala lang sa ‘subject’ po natin.
Kasi nga’y patuloy pa ring ‘irregular’
Ang pasok ni Pogi sa kanyang tanggapan;
Bagama’t ilang beses nang sinabihan
Ng ‘executive chief’ ang taong naturan.
Sa puntong nasabi, ninanais nating
Ang ilang bagay ay ating malinawin;
Partikular na kung sinu-sino sa ‘ting
Mga opisyal at/o ‘rank & file’ mandin
Ang dapat sumunod sa walong oras na
Kailangang iupo sa tanggapan nila;
kasama po ba o sadyang etse puwera
Itong talo pa ang mayor kung pumorma?
Sa kung anong oras n’yan gustong pumasok
O umuwi ng walang kaabug-abog,
Ay bahala sila – gayong gumagastos
Ang gobyerno para sa kanilang sahod?
Ay di obligadong pumasok ng ‘daily’
Upang harapin ang opisyal niyang ‘duty’
Sa isang bayan o ‘municipality’
Siguro naman ay kahit tatlong beses
O ‘twice a week’ lamang – dapat nasa opis,
Para kahit man lang ultimong papeles
Ng Sanggunian ay kanyang mai-‘update’
O maisa-ayos sa tamang kalagyan
Upang pagdating sa oras na kailangan
Ay madali nitong makuha kung saang
‘Filing cabinet’ niya ito nakalagay.
Pagkat bilang isang SB Secretary
Ay di lang sa oras ng ‘Session’ ang ‘duty’
Ng sinuman – sila marapat magsilbi,
Kundi maging sa ibang bagay na rin pati.
Na posibleng maitulong halimbawa
Kina Mayor at Vice sa pamamahala
Kung ya’y nasa opis – kaysa laging wala
At ni anino ay di natin makapa.
Di nalalayo yan sa gawa ng isang
SB Secretary dito sa isang bayan
Sa parting timog ng ating lalawigan,
Na parating wala sa kanyang tanggapan.
At kung pumasok man, kamalay-malay mo
Ay naka-alis na pala ang damuho,
Gayong minsa’y wala pang beinte minuto
Ang itinagal n’yan sa tanggapan nito.
Kaya kung may sadya ka kay Mr. Pogi
Ay tiyakang ikaw ay bigong uuwi;
Kasi nga po’y mabibilang sa daliri
Ang ‘attendance’ nito ng kay dali-dali.
Aywan nga lang natin, kabayan kung bakit
Mula’t sapol yata’y ganyan na ang ‘practice’
Ni Sec gayong sila ngayo’y gumagamit
Na ang bayan nila nitong ‘biometrics’
Na ipinalit n’yan sa Daily Time Record,
Na karaniwan ng ya’y sinusuksok
Sa makinang dati’y siyang nagre-rekord
Nang kung oras lumabas – pumasok.
Pero itong si Sec, ayon na rin sa ‘ting
Napag-alaman ay tigasin ang dating;
Pagkat si mayor na yata ang pumansin
Ay bale wala lang sa ‘subject’ po natin.
Kasi nga’y patuloy pa ring ‘irregular’
Ang pasok ni Pogi sa kanyang tanggapan;
Bagama’t ilang beses nang sinabihan
Ng ‘executive chief’ ang taong naturan.
Sa puntong nasabi, ninanais nating
Ang ilang bagay ay ating malinawin;
Partikular na kung sinu-sino sa ‘ting
Mga opisyal at/o ‘rank & file’ mandin
Ang dapat sumunod sa walong oras na
Kailangang iupo sa tanggapan nila;
kasama po ba o sadyang etse puwera
Itong talo pa ang mayor kung pumorma?
Sa kung anong oras n’yan gustong pumasok
O umuwi ng walang kaabug-abog,
Ay bahala sila – gayong gumagastos
Ang gobyerno para sa kanilang sahod?
