At posibleng lalung mina ing kimutan
Laban karing lasip a mapanalipan
Nung ing pamikontra ding aduang heneral
Maging dalan banting misalbag itinan;
Nya ing matatag nang pamanalakaran
Bilang meto’ lider a kikilalanan,
Gimpanan nang mayap, at e na pikabyang
Arapan ing nanu mang peligrung datang.
At bistaman e na ikuang pengilagan
Ing ‘self exile’ ning Don king bie nang delanan,
Y Leandro Ibarra’t Marcelo del Pilar
King bage mesabi aligtas na no’man;
Uling kabud ikua niting abalitan
Ing den makatakda ra no’ sanang dakpan,
Malalagua atin yang taung tiburan
Ban patakasan di Ibarra’t del Pilar!
Makatuliran ya bilang abugadu,
Inya ding Kastilang Juez karing jusgadu
A mapangabiran kalaban keng kasu,
Kasangilan na lang Atty. Hilario;
Pablasang ing keya tune makatau
At ala yang buring lalto argabyadu,
Karing ninu pa mang miarap keng asuntu,
Masalapi ya man o pakakalulu.
Deting mesambitlang papil nang gimpanan
Ning bayaning kekatamung parangalan
King kayaldawan na ning keyang beitan,
Mapilan lang dake king bie nang delanan
A meging ambag na keti Kapampangan,
A e sukat matda king kapilan pa man;
Iting mesaglawe, mapilan lang pinduan
Karing bilungan na ning kasalesayan.
At nung nu’ ing peka-maulagang dili,
Malino – king iti e makasarili;
At makasadia yang paymate, king uli
Ning balen – at ing bie na ing maging abli!
Uling nung biryan na ing mie komportabli
Nanu’t gigulan na ing panaun niti
Keng peligru’t e nia linukluk kampanti
King keyang santungan antimong mabandi?
Malagad lang bina king yatung karinan
Ding mibabait a mas dang paulagan
Ing mie timawa king sariling balayan
Kesa king magsale ya man keng pibandian
Pero ding adua nang gamat kaili’t waman
Maka-kadena la king dikta ring daywan;
Inya nanu’t e ta’ ibie ing kapuryan
Karing bayani tang’ sukat parangalan?
E mangabaldugan nung e ya miragsa
Ing metung a tau king parang ning digma
E maging bayani ning balen o bansa;
Uling agyang makalukluk kang payapa,
Dakal ka malyaring king balen agawa;
Y Rizal, e baril, talibung o pana
Ing pekipantuk na laban king Kastila –
Nune panyulat at masapsap a nasa!
Inya nung e ya man miragsa king parang
Ning digma itinang anak nang marangal
Ning lalawigan tang’ Indung Kapampangan,
Sukat mu ing keya miduang ing dangalan
Antimong bayaning dapat kilalanan
Pablasang ing bie na teya namu naman
Alang-alang keka at king katimawan
A ngeni ganap at lubus nang akamtan!
Laban karing lasip a mapanalipan
Nung ing pamikontra ding aduang heneral
Maging dalan banting misalbag itinan;
Nya ing matatag nang pamanalakaran
Bilang meto’ lider a kikilalanan,
Gimpanan nang mayap, at e na pikabyang
Arapan ing nanu mang peligrung datang.
At bistaman e na ikuang pengilagan
Ing ‘self exile’ ning Don king bie nang delanan,
Y Leandro Ibarra’t Marcelo del Pilar
King bage mesabi aligtas na no’man;
Uling kabud ikua niting abalitan
Ing den makatakda ra no’ sanang dakpan,
Malalagua atin yang taung tiburan
Ban patakasan di Ibarra’t del Pilar!
Makatuliran ya bilang abugadu,
Inya ding Kastilang Juez karing jusgadu
A mapangabiran kalaban keng kasu,
Kasangilan na lang Atty. Hilario;
Pablasang ing keya tune makatau
At ala yang buring lalto argabyadu,
Karing ninu pa mang miarap keng asuntu,
Masalapi ya man o pakakalulu.
Deting mesambitlang papil nang gimpanan
Ning bayaning kekatamung parangalan
King kayaldawan na ning keyang beitan,
Mapilan lang dake king bie nang delanan
A meging ambag na keti Kapampangan,
A e sukat matda king kapilan pa man;
Iting mesaglawe, mapilan lang pinduan
Karing bilungan na ning kasalesayan.
At nung nu’ ing peka-maulagang dili,
Malino – king iti e makasarili;
At makasadia yang paymate, king uli
Ning balen – at ing bie na ing maging abli!
Uling nung biryan na ing mie komportabli
Nanu’t gigulan na ing panaun niti
Keng peligru’t e nia linukluk kampanti
King keyang santungan antimong mabandi?
Malagad lang bina king yatung karinan
Ding mibabait a mas dang paulagan
Ing mie timawa king sariling balayan
Kesa king magsale ya man keng pibandian
Pero ding adua nang gamat kaili’t waman
Maka-kadena la king dikta ring daywan;
Inya nanu’t e ta’ ibie ing kapuryan
Karing bayani tang’ sukat parangalan?
E mangabaldugan nung e ya miragsa
Ing metung a tau king parang ning digma
E maging bayani ning balen o bansa;
Uling agyang makalukluk kang payapa,
Dakal ka malyaring king balen agawa;
Y Rizal, e baril, talibung o pana
Ing pekipantuk na laban king Kastila –
Nune panyulat at masapsap a nasa!
Inya nung e ya man miragsa king parang
Ning digma itinang anak nang marangal
Ning lalawigan tang’ Indung Kapampangan,
Sukat mu ing keya miduang ing dangalan
Antimong bayaning dapat kilalanan
Pablasang ing bie na teya namu naman
Alang-alang keka at king katimawan
A ngeni ganap at lubus nang akamtan!
