At karing barya pamu ning tau Baba
A nu’ kasebian ken – panialuk da pala –
At nung mamilang la por sako na yata,
E kaya malakuan sukad soga y Oca?
Neng ing kalakaran karing aliwa ken
A talapanalal karing maging lider,
E king kagiwan na karin de lalon den
Nune karing perang pamubud na karen?
A menasa korapsyon ing maging bunga
Ning sobra kagastus a pamangampanya,
Uling nanan da namu abawi ra la
Ding piniali reti karing botante ra.
Malagad yang bina karing pulitiku
Ing tune matapat keng pamagserbisyu,
Inia dapat pakapili-pili tamu
Karing maka-Dios at tune makatau.
Ini e pu anting pamamulitika
Uling ing alalan malaut-laut pa,
Nune anti mu pung pamagmalasadia
Sakali’t y Oca ya’na pin talaga.
Ing buri rang tagal para gubernador
Ding ka-alyansa na, bista’t king City Hall,
Dakal ya pa arian at aliwang misyon
A sukat gampanan bilang City Mayor.
Makanian man, nung ing World Class City Mayor
Makasadia ne ban lakuan ing City Hall
(Kang Edwin Santiago, a keyang Vice Mayor,)
Atyu na keya ing pinal a desisyon.
At nung ing suporta ring manintun mayap
A pamangubyernu kang Oca milangkap,
Alang duda king yang yalal ding magdulap
Magaling a lider, malinis, e korap!
At e anti karing aliwang opisyal
A menasa e mu kararagli dasan
Karing tanggapan da kaibat dang miyalal,
Nune mu akinse at neng kapupusan.
Makanano, agpang mu naman karela
Pangilagan do’ ring aldo-aldo pupunta;
(A pepalumo ra ‘niang mangampanya la
Karing e ditak a perang pemitag da.)
A mapikandayu keng pamaglukluk na
Nining nanan da namu apakuldas da,
Nung nu’ puera namu ata neng O.B.ya,
Inia alayu keng keyang opisina.
Pero menasa yan, lampas alas singku
Dasan me pa uling parati yang atyu
Manibat king abak ken king Kapitolyu
At e mako anggang ‘ting manayang tau.
Aslu menus e la mikanlaut Oca
Karas keng ngara pin serbisyong pangmalda;
Kase, y Rodriguez mag-alas otsu pa
Atyu ne king keyang tanggapan menasa.
Inia nung talagang e ne tagal y Among
At y Mayor Oca na’ing apisanmetung
Ding miyayaliwa pang grupu’t asosasyon,
Kaya ta’ pa mika aktibung Governor
A maliaring dasan tamu king Capitol
Manibat king Lunes, at patitingapun;
At e ra kalupa ding mi-Tata napun
A e mu akapkap kilub patingapun!
A nu’ kasebian ken – panialuk da pala –
At nung mamilang la por sako na yata,
E kaya malakuan sukad soga y Oca?
Neng ing kalakaran karing aliwa ken
A talapanalal karing maging lider,
E king kagiwan na karin de lalon den
Nune karing perang pamubud na karen?
A menasa korapsyon ing maging bunga
Ning sobra kagastus a pamangampanya,
Uling nanan da namu abawi ra la
Ding piniali reti karing botante ra.
Malagad yang bina karing pulitiku
Ing tune matapat keng pamagserbisyu,
Inia dapat pakapili-pili tamu
Karing maka-Dios at tune makatau.
Ini e pu anting pamamulitika
Uling ing alalan malaut-laut pa,
Nune anti mu pung pamagmalasadia
Sakali’t y Oca ya’na pin talaga.
Ing buri rang tagal para gubernador
Ding ka-alyansa na, bista’t king City Hall,
Dakal ya pa arian at aliwang misyon
A sukat gampanan bilang City Mayor.
Makanian man, nung ing World Class City Mayor
Makasadia ne ban lakuan ing City Hall
(Kang Edwin Santiago, a keyang Vice Mayor,)
Atyu na keya ing pinal a desisyon.
At nung ing suporta ring manintun mayap
A pamangubyernu kang Oca milangkap,
Alang duda king yang yalal ding magdulap
Magaling a lider, malinis, e korap!
At e anti karing aliwang opisyal
A menasa e mu kararagli dasan
Karing tanggapan da kaibat dang miyalal,
Nune mu akinse at neng kapupusan.
Makanano, agpang mu naman karela
Pangilagan do’ ring aldo-aldo pupunta;
(A pepalumo ra ‘niang mangampanya la
Karing e ditak a perang pemitag da.)
A mapikandayu keng pamaglukluk na
Nining nanan da namu apakuldas da,
Nung nu’ puera namu ata neng O.B.ya,
Inia alayu keng keyang opisina.
Pero menasa yan, lampas alas singku
Dasan me pa uling parati yang atyu
Manibat king abak ken king Kapitolyu
At e mako anggang ‘ting manayang tau.
Aslu menus e la mikanlaut Oca
Karas keng ngara pin serbisyong pangmalda;
Kase, y Rodriguez mag-alas otsu pa
Atyu ne king keyang tanggapan menasa.
Inia nung talagang e ne tagal y Among
At y Mayor Oca na’ing apisanmetung
Ding miyayaliwa pang grupu’t asosasyon,
Kaya ta’ pa mika aktibung Governor
A maliaring dasan tamu king Capitol
Manibat king Lunes, at patitingapun;
At e ra kalupa ding mi-Tata napun
A e mu akapkap kilub patingapun!
