Kambe ning masampat a pami-ugnayan
Ding lokal ampo ring “national official”
A nung makananung agad miaksyunan
Ing nanu mang bage dapat solusyunan;
Kalupa namo n’yan a mas mangailangan
Dinan prayoridad at sukat pisabian;
At e keng puru nang pamibabadbaran
Alang kwentang isyu pane magigisan
Ing panaun a sukat dang ipagsilbi
Karing memalen a mamasa kareti
A suywan dang tapat… nung iniasa’t deti
Inalal ta’la pin ban gampanan iti!
Pero anti na pin ning akakit tamu,
A nu’ balamu yang imbut dang mipuestu,
At e ban king balen tapat magserbisyu;
Busten ta’niang mipakanian ing gubyernu?
Lalam dang upaya ding alang masabal
Karing memalen a sukat dang pagsilbian?
A nu’ balamu yang gewa riang tuntungan
Ing katungkulan da ban magpakaniaman?
At alang unabis gawan king bili ra
Bilang “public servants” nune magpakualta,
Kabang karakal ning dapat lingunan da
A sukat mirinan prayoridad keta?
Antimo yan balu ra nang banua-banua,
Ing uran at bagyu datang alang sala;
At pane yang lalbug ing Metro-Manila
Partikular na ing dane Marikina,
Malabon, Caloocan at ing Valenzuela,
Puera pa ing Bulacan at ing Pampanga
Ampon aliwa pang dakal a probinsya;
Pero nanu’ing balu tamung gewa ra na?
Bilang kapagsadian king bage mesabi
Banting e ta’man lubus asagka iti,
Arinan dang epektibong aksyon deti
A nung makananung yan e maging grabi;
O mabawas agiang migit mung kapitna
Ing peligru ampon matinding pinsala,
King bie ra’t kabiayan (lalu’t ding maluka)
Potang mirasan lang makanian a kalma!
Dapat mika-“disaster preparedness plan” ya
Ing NDCC o nanu mang ahensya
A sukat lumingap potang manganib na
Ing bie ring memalen king nanu mang sigua.
Ban e ra asabing ing gubyernu tamu
Karas keng buri na gagastus yang ustu;
Kalupa namo ning samut-saring isyu
Inggil king pengan nang apunan Arroyo.
(A ngara kulang mu atang aduang milyun
Kabang karakal ding alus alang itun
Karing memalen a nu’ la man lumuyun
Ala lang akapkap kilub patingapun.)
O kaya kesa keng karin da ginastus,
Pinyali ta’na lang mapilan “rubber boats”
Ban paniagip karing taung alto-lumbug
Potang dasan no’ ning maragul a albug!
Ding lokal ampo ring “national official”
A nung makananung agad miaksyunan
Ing nanu mang bage dapat solusyunan;
Kalupa namo n’yan a mas mangailangan
Dinan prayoridad at sukat pisabian;
At e keng puru nang pamibabadbaran
Alang kwentang isyu pane magigisan
Ing panaun a sukat dang ipagsilbi
Karing memalen a mamasa kareti
A suywan dang tapat… nung iniasa’t deti
Inalal ta’la pin ban gampanan iti!
Pero anti na pin ning akakit tamu,
A nu’ balamu yang imbut dang mipuestu,
At e ban king balen tapat magserbisyu;
Busten ta’niang mipakanian ing gubyernu?
Lalam dang upaya ding alang masabal
Karing memalen a sukat dang pagsilbian?
A nu’ balamu yang gewa riang tuntungan
Ing katungkulan da ban magpakaniaman?
At alang unabis gawan king bili ra
Bilang “public servants” nune magpakualta,
Kabang karakal ning dapat lingunan da
A sukat mirinan prayoridad keta?
Antimo yan balu ra nang banua-banua,
Ing uran at bagyu datang alang sala;
At pane yang lalbug ing Metro-Manila
Partikular na ing dane Marikina,
Malabon, Caloocan at ing Valenzuela,
Puera pa ing Bulacan at ing Pampanga
Ampon aliwa pang dakal a probinsya;
Pero nanu’ing balu tamung gewa ra na?
Bilang kapagsadian king bage mesabi
Banting e ta’man lubus asagka iti,
Arinan dang epektibong aksyon deti
A nung makananung yan e maging grabi;
O mabawas agiang migit mung kapitna
Ing peligru ampon matinding pinsala,
King bie ra’t kabiayan (lalu’t ding maluka)
Potang mirasan lang makanian a kalma!
Dapat mika-“disaster preparedness plan” ya
Ing NDCC o nanu mang ahensya
A sukat lumingap potang manganib na
Ing bie ring memalen king nanu mang sigua.
Ban e ra asabing ing gubyernu tamu
Karas keng buri na gagastus yang ustu;
Kalupa namo ning samut-saring isyu
Inggil king pengan nang apunan Arroyo.
(A ngara kulang mu atang aduang milyun
Kabang karakal ding alus alang itun
Karing memalen a nu’ la man lumuyun
Ala lang akapkap kilub patingapun.)
O kaya kesa keng karin da ginastus,
Pinyali ta’na lang mapilan “rubber boats”
Ban paniagip karing taung alto-lumbug
Potang dasan no’ ning maragul a albug!
