Ita’man marahil ing atyu king bili
Ning gubernador a suspendidung Pari,
A ngeni balamu anting makayambi
Pilatan ning dimla at matinding pali,
Pasari ning Recount a kasalungsungan
Mararapat karin king sentrung tanggapan
Ning Comelec, e ta’ atanggap mu naman
Ing nanu mang bage a e karampatan!
Kalupa na’mo pin nung bakit kapilan
Alus walong bulan namu ing panayan
Bayu miras ing paintungul a alalan,
Karin medisisyun ing bage itinan;
A nu’ ing Petisyun nang Lilia Pineda
Miyaksyunan kaibat na ning aduang banua;
Inya mapalyaring mika-milagru na
Karing kalulanan ding tune resulta.
Anti ring malino meyakua litratu
A medyu mesira na’t lapak a selyu,
Den nung lawan mong masalese kandadu
Mekad mu pane nong’ mipalitan bayu.
Partikular na ring ibat dane Baba
A kening litratu malino me-akua,
Male ta’nung deti ila pa pu, Kaka
Ding sadiang laman da’t e la menaliwa?
E ku buring sabyan mekisapakat la
Ding Treasurers tamu ban agawa ra ita,
Pero e no’wari man rugu titipa
O mumuli karing pibale-bale ra?
Male tamu kabang makatinggal la ren
Karing munisipyu da ring sibabalen,
Balang bengi lihim dong’ lilimiran ken
Ding alang masabal king atul ning balen?
Nung sana, kabud meyari ing bilangan
At migreklamu ya ken ing ninu ya man,
Miyaksyunan agad at misinup la ngan
Ding urna, posibleng malinis ing laban.
Oneng antimo pin king milyaring iti
A nung kapilan pu sigidu na kasi
Ing alalan karin da mo’ gawan ngeni,
Ing ‘recounting’ nanu ing kekong asabi?
At agyang ninu pa ing makakit mekad
Karing urnang ibat king munisipalidad
A pikuanan da ring Menila menatad,
Asabi rang ating milagrung merapat!
Lalu’t ing Comelec anti yang mamintu
King kautusan na ning Supreme Court mismu,
Ken bisa’t ali ya y Gob Ed Panlilio
Posibleng ala neng agawa ing tau!
At ken natural mung manialupsupan ya
Ing ‘priest-turned-governor king Korte Suprema,
Pablasang balu nang maimpluwensya la
Ding posibleng kumampi king kalaban na.
Inya keng biling yan, nung e na marandam
Ing kayaduanan na king Highest Tribunal,
Ngeni pa, anti ta’nang malino dimdam
Ing ya, magbalik ya mekad king Pisamban?
(Nung paysira ya lub at e na isundu
Ing tagimpan niting tapat makasuyu
King sintang balayan a e na milapsu
Keng kapangakuan a pawang mipapaku!)
Ning gubernador a suspendidung Pari,
A ngeni balamu anting makayambi
Pilatan ning dimla at matinding pali,
Pasari ning Recount a kasalungsungan
Mararapat karin king sentrung tanggapan
Ning Comelec, e ta’ atanggap mu naman
Ing nanu mang bage a e karampatan!
Kalupa na’mo pin nung bakit kapilan
Alus walong bulan namu ing panayan
Bayu miras ing paintungul a alalan,
Karin medisisyun ing bage itinan;
A nu’ ing Petisyun nang Lilia Pineda
Miyaksyunan kaibat na ning aduang banua;
Inya mapalyaring mika-milagru na
Karing kalulanan ding tune resulta.
Anti ring malino meyakua litratu
A medyu mesira na’t lapak a selyu,
Den nung lawan mong masalese kandadu
Mekad mu pane nong’ mipalitan bayu.
Partikular na ring ibat dane Baba
A kening litratu malino me-akua,
Male ta’nung deti ila pa pu, Kaka
Ding sadiang laman da’t e la menaliwa?
E ku buring sabyan mekisapakat la
Ding Treasurers tamu ban agawa ra ita,
Pero e no’wari man rugu titipa
O mumuli karing pibale-bale ra?
Male tamu kabang makatinggal la ren
Karing munisipyu da ring sibabalen,
Balang bengi lihim dong’ lilimiran ken
Ding alang masabal king atul ning balen?
Nung sana, kabud meyari ing bilangan
At migreklamu ya ken ing ninu ya man,
Miyaksyunan agad at misinup la ngan
Ding urna, posibleng malinis ing laban.
Oneng antimo pin king milyaring iti
A nung kapilan pu sigidu na kasi
Ing alalan karin da mo’ gawan ngeni,
Ing ‘recounting’ nanu ing kekong asabi?
At agyang ninu pa ing makakit mekad
Karing urnang ibat king munisipalidad
A pikuanan da ring Menila menatad,
Asabi rang ating milagrung merapat!
Lalu’t ing Comelec anti yang mamintu
King kautusan na ning Supreme Court mismu,
Ken bisa’t ali ya y Gob Ed Panlilio
Posibleng ala neng agawa ing tau!
At ken natural mung manialupsupan ya
Ing ‘priest-turned-governor king Korte Suprema,
Pablasang balu nang maimpluwensya la
Ding posibleng kumampi king kalaban na.
Inya keng biling yan, nung e na marandam
Ing kayaduanan na king Highest Tribunal,
Ngeni pa, anti ta’nang malino dimdam
Ing ya, magbalik ya mekad king Pisamban?
(Nung paysira ya lub at e na isundu
Ing tagimpan niting tapat makasuyu
King sintang balayan a e na milapsu
Keng kapangakuan a pawang mipapaku!)
