Ano ba naman yang pinag-gagawa mo
DPWH Direk Tolentino?
At di mo naisip kung anong epkto
Ng pagiging lubha mong adelantado?
Sa pagpatay nitong mga punongkahoy
Gayong di pa naman pala matutuloy
Itong ‘road widening’ na pinagyayabang mong
Gagawin para sa Hiway ng McArthur;
Bunsod ng ika mo’y wala pa rin yatang
Sapat na pondo yan kaya’t pumayag kang
Ipatigil muna ang pag-‘massacre’ diyan
Sa mga biktima ng iyong kapalpakan?
Kung saan kayo na rin ang naka-isip
Na naglabas nitong ‘until further notice,’
Sa pagpapairal ng ‘napakalupit’
Na kautusang di matamang inisip!
Di pa naman pala kayo sigurado
Na magagawa na sa panahong ito,
Ano’t minadali mo namang masyado
Ang pagpapaalis sa akasya rito?
At iba pang uri ng aming pananim
Na tunay naman pong nakakatulong din
Sa ‘ting kalikasan upang manatiling
Sariwa’t malinis ang ihip ng hangin.
Alam mo ba Direk kung anong pinsala
Sa aming probinsya ng iyong ginawa?
Aba’y para mo nang niyurak ng kusa
Ang dangal ng bawat Kapampangan yata!
Partikular na ang taga San Fernando
Na nakasasakop sa lugar na ito,
Kung saan kahit na wala kang permiso
Mula kay Oca ay di ka makuntento;
Na di masimulan ang iyong proyektong
Pagpapaluwag sa daanang McArthur,
Kahit pa ma’t batid mong maraming tutol
Liban kay Rodriguez sa pagpapaputol;
Ng mga naturang akasyang minalas
Na nahatulan ng ‘bitay’ nang di oras,
Dulot nitong ngayo’y tila masisilat
Na kautusan mo – Direktor na palpak.
(Na posibleng bunsod ng pagpapalapad
Ng papel po nito sa nakatataas,
Ay namimiligro ngayong mapahamak
At baka masipa siya ng di oras!
Pagkat posible rin namang mayrung ligal
Na sagutin itong nasabing opisyal,
Sa kung anong bagay na di sinunod n’yan
Na ‘protocol’ yata po ang katawagan.)
Pero, gaya nitong ang naging pahayag
Ng DPWH na walang tiyak
Na taning ang kanyang sinabi at sukat,
Ay kinakailangan din tayong magmatyag;
At maging alerto, pagkat huling-huli
O ‘caught in the act’ ni Senadora Jamby
Itong kahit may ‘hold order’ ng nasabi
Ay may lantaran pang nagpuputol kasi;
Na nagpapatunay na ‘moro-moro’ lang
Itong kunwari ay pagpapatigil n’yan?
(At kung saan baka may komisyon po yan
Sa contractor kaya todo pasa lamang?)
DPWH Direk Tolentino?
At di mo naisip kung anong epkto
Ng pagiging lubha mong adelantado?
Sa pagpatay nitong mga punongkahoy
Gayong di pa naman pala matutuloy
Itong ‘road widening’ na pinagyayabang mong
Gagawin para sa Hiway ng McArthur;
Bunsod ng ika mo’y wala pa rin yatang
Sapat na pondo yan kaya’t pumayag kang
Ipatigil muna ang pag-‘massacre’ diyan
Sa mga biktima ng iyong kapalpakan?
Kung saan kayo na rin ang naka-isip
Na naglabas nitong ‘until further notice,’
Sa pagpapairal ng ‘napakalupit’
Na kautusang di matamang inisip!
Di pa naman pala kayo sigurado
Na magagawa na sa panahong ito,
Ano’t minadali mo namang masyado
Ang pagpapaalis sa akasya rito?
At iba pang uri ng aming pananim
Na tunay naman pong nakakatulong din
Sa ‘ting kalikasan upang manatiling
Sariwa’t malinis ang ihip ng hangin.
Alam mo ba Direk kung anong pinsala
Sa aming probinsya ng iyong ginawa?
Aba’y para mo nang niyurak ng kusa
Ang dangal ng bawat Kapampangan yata!
Partikular na ang taga San Fernando
Na nakasasakop sa lugar na ito,
Kung saan kahit na wala kang permiso
Mula kay Oca ay di ka makuntento;
Na di masimulan ang iyong proyektong
Pagpapaluwag sa daanang McArthur,
Kahit pa ma’t batid mong maraming tutol
Liban kay Rodriguez sa pagpapaputol;
Ng mga naturang akasyang minalas
Na nahatulan ng ‘bitay’ nang di oras,
Dulot nitong ngayo’y tila masisilat
Na kautusan mo – Direktor na palpak.
(Na posibleng bunsod ng pagpapalapad
Ng papel po nito sa nakatataas,
Ay namimiligro ngayong mapahamak
At baka masipa siya ng di oras!
Pagkat posible rin namang mayrung ligal
Na sagutin itong nasabing opisyal,
Sa kung anong bagay na di sinunod n’yan
Na ‘protocol’ yata po ang katawagan.)
Pero, gaya nitong ang naging pahayag
Ng DPWH na walang tiyak
Na taning ang kanyang sinabi at sukat,
Ay kinakailangan din tayong magmatyag;
At maging alerto, pagkat huling-huli
O ‘caught in the act’ ni Senadora Jamby
Itong kahit may ‘hold order’ ng nasabi
Ay may lantaran pang nagpuputol kasi;
Na nagpapatunay na ‘moro-moro’ lang
Itong kunwari ay pagpapatigil n’yan?
(At kung saan baka may komisyon po yan
Sa contractor kaya todo pasa lamang?)
