Ngening king Parnaso ding bait makudta
Metung ne naman ing watas nang miragsa
Ning memukud tamung menan a Salita,
Medyu manaliwa tana man pung paksa;
Banting agiang kapamilatan namu man
Nining maluka yung Presidente bilang
Ning AGUMAN TALASULAT CAPAMPANGAN
Apayabut na ing ditak ming kasuywan;
O pamakirame karing pamilya na
Ning malapupuring bantug a Poeta
A meging Ari ning Crissotan, poesia
Ampon king Parnaso ning Salitang mana.
Pablasang itinang makamal a watas
Tapat yang sinuyu king Sabing e dapat
Malumpawi agiang bina na lang ditak
Ding kikiso banting e matda at sukat.
Nung ating malugud gagambul, lilinang
King menan tang’ Sabi, nung e man No. 1,
Poeta Vedasto Ocampo, misan man
E mebalag agiang king katlu mung galal.
Inia naman ketang kapanaunan na
King nanu mang adle, ligligan bida ya;
Partikular na neng Aldo ning Pampanga,
Nung nu’ menasa yang tsampyon banua-banua!
Malagad lang bina keti kekatamu
Ding talasulat a mibas kang Vedasto;
(Bukud mu kung Poeta Jose Gallardo
A meging bantug mu naman keng poesia!)
Poeta Ocampo ngening atinayu
Karin, king sidya nang karinan ning Ginu,
Ing bie nang melakuan keti babo yatu
Ya namung maliaring pisabian ding tau;
At uling itinang bantug a makudta
Dangal ne ning lipi king manang Salita,
Kabang ing Amanung Sisuan e matatda
Ing lagyu na e ya lumamlam a sala!
Pablasang busal na ning pangasalaula
Ning amanung sisuan king danggut dang dila
Ding ngara pin alang masabal bitasa,
Dakal la pang kalupa nang Mayor Oca;
A maki-masabal king Salitang menan
Ban e malumpawi keti Kapampangan
Ing Sabing sukat tang’ sesen at gambulan
Angga na king apalabung ta’yang miuman!
At ing tagimpan da ri Jose Gallardo,
Amado M. Yuzon, Crissot, Don Monico,
Quiboloy, Reyes, Galura at Ocampo,
Mika-katuparan babo na ning yatu!
Mupin, ngening kabas king parang ning digma
Metung ne naman ing kawal a miragsa,
Karing sundalus nang mangatua na’t maina,
Ning kulturang mana matupad pa kaya?
A kalupa ngeni king biling rang siwal
Ding watas ning lipi a patunggal-tunggal
King tangke nitang pun-dutung masasangal,
Karapan ding ditman ala nang masabal;
Nung ala na bukud karing mesaglawe
Ing sumaup sagip ban e matda’t mate
Ing kulturang meging kakambal na ning bie
Ding mapiang Poeta ampon Talagale!
Metung ne naman ing watas nang miragsa
Ning memukud tamung menan a Salita,
Medyu manaliwa tana man pung paksa;
Banting agiang kapamilatan namu man
Nining maluka yung Presidente bilang
Ning AGUMAN TALASULAT CAPAMPANGAN
Apayabut na ing ditak ming kasuywan;
O pamakirame karing pamilya na
Ning malapupuring bantug a Poeta
A meging Ari ning Crissotan, poesia
Ampon king Parnaso ning Salitang mana.
Pablasang itinang makamal a watas
Tapat yang sinuyu king Sabing e dapat
Malumpawi agiang bina na lang ditak
Ding kikiso banting e matda at sukat.
Nung ating malugud gagambul, lilinang
King menan tang’ Sabi, nung e man No. 1,
Poeta Vedasto Ocampo, misan man
E mebalag agiang king katlu mung galal.
Inia naman ketang kapanaunan na
King nanu mang adle, ligligan bida ya;
Partikular na neng Aldo ning Pampanga,
Nung nu’ menasa yang tsampyon banua-banua!
Malagad lang bina keti kekatamu
Ding talasulat a mibas kang Vedasto;
(Bukud mu kung Poeta Jose Gallardo
A meging bantug mu naman keng poesia!)
Poeta Ocampo ngening atinayu
Karin, king sidya nang karinan ning Ginu,
Ing bie nang melakuan keti babo yatu
Ya namung maliaring pisabian ding tau;
At uling itinang bantug a makudta
Dangal ne ning lipi king manang Salita,
Kabang ing Amanung Sisuan e matatda
Ing lagyu na e ya lumamlam a sala!
Pablasang busal na ning pangasalaula
Ning amanung sisuan king danggut dang dila
Ding ngara pin alang masabal bitasa,
Dakal la pang kalupa nang Mayor Oca;
A maki-masabal king Salitang menan
Ban e malumpawi keti Kapampangan
Ing Sabing sukat tang’ sesen at gambulan
Angga na king apalabung ta’yang miuman!
At ing tagimpan da ri Jose Gallardo,
Amado M. Yuzon, Crissot, Don Monico,
Quiboloy, Reyes, Galura at Ocampo,
Mika-katuparan babo na ning yatu!
Mupin, ngening kabas king parang ning digma
Metung ne naman ing kawal a miragsa,
Karing sundalus nang mangatua na’t maina,
Ning kulturang mana matupad pa kaya?
A kalupa ngeni king biling rang siwal
Ding watas ning lipi a patunggal-tunggal
King tangke nitang pun-dutung masasangal,
Karapan ding ditman ala nang masabal;
Nung ala na bukud karing mesaglawe
Ing sumaup sagip ban e matda’t mate
Ing kulturang meging kakambal na ning bie
Ding mapiang Poeta ampon Talagale!
