Ngening mapilan na la mu, Talasulat king Amanu
At ding mabie pipamasan dimut na la namang pihu,
Idagdag pa ing katutuan – keti Kapampangan mismu –
Ing salitang amulatan e ya magagambul ustu,
Inya nanung malilyari? Tanggapan o ali tamu,
Bait ya mang Kapampangan… king Salita e larinu.
At maging ding lider tamung pambalen at lalawigan,
Makayale-ale itang e re balu ring mapilan;
Masasabing ing lahi ra liping tune Kapampangan,
Dapot king amanu’t dapat malaut la king katutuan;
At nung pakatingiran ta’ itang aske ra, nung misan…
Balamu mo, anti re pang pikarine gagamitan.
Makanyan la…at maging ding kabalen ta’ pang aliwa,
Antimo ding keraklan a memagdatun na Menila;
Deti, nung datang la keti o mamasyal ban manapa,
E no Kapampangan ganap pati king ugali’t diwa;
Nung insanung ukulan tang maki-malasakit mo’sa
Ila pa ring pipi’t bulag king amanu magpabusta.
Kenu ta ngeni lumapit karing opisyales balen,
Anti na ning agyang metung alang maki masabal ken?
Angga ta’nia wari namang lalon pamalugse ra ren
At e tana kimut banting gambulan ya’t miuman sesen?
Anto’ retang gugulisak balang alalan pambalen,
Baket ngeni e ra ipakit ing tune malasakit den?
Inya nanung sukat daptan banting e ya mate lubus
Ing Amanung Kapampangan a ngeni maybug nang lumbug?
Iti, ya ing sukat unan… pakatibe-tibe buklud,
Kambe ning matapat tamung kea pamibuklud-buklud!
At ken alang sulit mekad managumpe tang tibubus
Lalam dang pamanantabe ding mapilan pang malugud.
At karing malugud a ren a ngeni lubus mamitbit
Kabilang ya kareti y Mayor Oscar S. Rodrigues
King nanu mang ikasulung o tagumpe mayayakit,
Ning kimutan ning AGTACA a ngeni gagambul pilit
At miugne-ugne ganap banting apalabung aplit
Ing Amanu tamung Sisuan a sukat tang’ pagmasakit!
Alak
Alang matsura keng pamaninum alak
Uling yan king tau natural na mekad
Pero nung sobra na, king pelalung mayap
A tau, mamungang maragul a pintas.
Ding pantas, parating mapili lang bina
King nanu mang bage yapse na ning dila;
Inia nung kapilan la reti tutukba
Karin la maingat bubugnus salita.
At uling madals impun na at sepu
Menasa ning ala king dakal a gulu,
E ta’na makitua nung waman ing palsu
Yang keta nung misan pipilit nang ustu.
Inia agiang e mu ayakmul nung misan
Ing nanu mang bage a e karampatan,
Metung mu ing sukat a pakatandanan
Ban e ka milisya king tamak a dalan;
Nung kaya ala kang asabing matinu
Mapang e palak ing pabusten mu niamu;
Uling magkang magkamali ka pang sapu
Maging mitsa na ning pamituang e tutu.
Kasi nung parehu na kong’ magalasgas
At ala nang kontrol keng pamipakibat,
Iti pihung alang kama-ulian mayap
Pasari namu ning e ko’ mipalabas.
Pablasang ing alak, kasebian pin kabud
Yan king atian dapat diretsung papalub,
Uling kabud iti king utak tinaglus
Madiskaril ya ing pelalu katunud!
At ding mabie pipamasan dimut na la namang pihu,
Idagdag pa ing katutuan – keti Kapampangan mismu –
Ing salitang amulatan e ya magagambul ustu,
Inya nanung malilyari? Tanggapan o ali tamu,
Bait ya mang Kapampangan… king Salita e larinu.
At maging ding lider tamung pambalen at lalawigan,
Makayale-ale itang e re balu ring mapilan;
Masasabing ing lahi ra liping tune Kapampangan,
Dapot king amanu’t dapat malaut la king katutuan;
At nung pakatingiran ta’ itang aske ra, nung misan…
Balamu mo, anti re pang pikarine gagamitan.
Makanyan la…at maging ding kabalen ta’ pang aliwa,
Antimo ding keraklan a memagdatun na Menila;
Deti, nung datang la keti o mamasyal ban manapa,
E no Kapampangan ganap pati king ugali’t diwa;
Nung insanung ukulan tang maki-malasakit mo’sa
Ila pa ring pipi’t bulag king amanu magpabusta.
Kenu ta ngeni lumapit karing opisyales balen,
Anti na ning agyang metung alang maki masabal ken?
Angga ta’nia wari namang lalon pamalugse ra ren
At e tana kimut banting gambulan ya’t miuman sesen?
Anto’ retang gugulisak balang alalan pambalen,
Baket ngeni e ra ipakit ing tune malasakit den?
Inya nanung sukat daptan banting e ya mate lubus
Ing Amanung Kapampangan a ngeni maybug nang lumbug?
Iti, ya ing sukat unan… pakatibe-tibe buklud,
Kambe ning matapat tamung kea pamibuklud-buklud!
At ken alang sulit mekad managumpe tang tibubus
Lalam dang pamanantabe ding mapilan pang malugud.
At karing malugud a ren a ngeni lubus mamitbit
Kabilang ya kareti y Mayor Oscar S. Rodrigues
King nanu mang ikasulung o tagumpe mayayakit,
Ning kimutan ning AGTACA a ngeni gagambul pilit
At miugne-ugne ganap banting apalabung aplit
Ing Amanu tamung Sisuan a sukat tang’ pagmasakit!
Alak
Alang matsura keng pamaninum alak
Uling yan king tau natural na mekad
Pero nung sobra na, king pelalung mayap
A tau, mamungang maragul a pintas.
Ding pantas, parating mapili lang bina
King nanu mang bage yapse na ning dila;
Inia nung kapilan la reti tutukba
Karin la maingat bubugnus salita.
At uling madals impun na at sepu
Menasa ning ala king dakal a gulu,
E ta’na makitua nung waman ing palsu
Yang keta nung misan pipilit nang ustu.
Inia agiang e mu ayakmul nung misan
Ing nanu mang bage a e karampatan,
Metung mu ing sukat a pakatandanan
Ban e ka milisya king tamak a dalan;
Nung kaya ala kang asabing matinu
Mapang e palak ing pabusten mu niamu;
Uling magkang magkamali ka pang sapu
Maging mitsa na ning pamituang e tutu.
Kasi nung parehu na kong’ magalasgas
At ala nang kontrol keng pamipakibat,
Iti pihung alang kama-ulian mayap
Pasari namu ning e ko’ mipalabas.
Pablasang ing alak, kasebian pin kabud
Yan king atian dapat diretsung papalub,
Uling kabud iti king utak tinaglus
Madiskaril ya ing pelalu katunud!
