STA.MARIA, Bulacan — Patay ang apat na miyembro ng isang pamilya nang masunog ang kanilang bahay sa Barangay Caypombo kahapon ng madaling araw.
Ayon kay sa Sta. Maria Bureau of Fire Protection, nagsimula ang sunog bandang alas-3 ng madaling araw na umakyat sa unang alarma at naapula ito magaalas-4 ng umaga.
Hindi nakaligtas sa sunog ang mag-asawang sina Roy at Marie Lozano at ang dalawa nilang anak na sina Cedric, 13 at Andrei, 12.
Lumalabas sa imbestigasyon na sa unang palapag ng bahay ng mag-anak nagsimula ang sunog hanggang sa umakyat na ang apoy sa ikalawang palapag.
Doon na na-trap ang mga biktima dahil sa gawa sa rehas ang mga daanan palabas ng bahay at nakakandado ang mga pintuan nito kayat hindi na nakalabas pa ng bahay at masawi.
Sa ngayon ay patuloy pa ang imbestigasyon ng BFP ang dahilan ng sunog.
