OLONGAPO CITY – Dead-on-the-spot ang isang security guard makaraang pumutok ang baril sa kanyang leeg na nagtagos sa ulo habang ito ay naglalaro ng Russian roulette nang ito ay naka- duty sa isang grocery store sa lungsod na ito.
Kinilala ng pulisya ang biktimang si Richard Corpido, 40, ng Barangay Gordon Heights, Olongapo City at security guard ng Bermonds Security Agency. Ayon sa mga testigo, naka-duty sa likurang bahagi ng Choas grocery store ang biktima nang maisipan nitong paglaruan ang kanyang .38 baril ng Russian roulette.
Nabatid na naunang itinutok ng biktima ang baril sa kanyang ulo at pagkatapos kinalabit ang gatilyo ng baril, subalit hindi ito pumutok. Inulit pa ng biktima ang paglalaro at sa ikalawang pagkakataon ay kanyang itinutok ang baril sa leeg at doon na pumutok ang baril at naglagos ang bala sa kanyang ulo ganun din sa bubungan ng grocery store na agaran nitong ikinamatay.
