OLONGAPO CITY—Isang di pa kilalang lalaki na pinaniniwalaang biktima ng salvage ang natagpuan ng mga nagpapatrolyang mga tauhan ng Police Station 5 ng Olongapo City PNP sa Tabacuhan, Barangay Sta Rita sa lungsod na ito.
Ang biktima ay may taas na 5’6” at may tattoo sa katawan na Bahala na Gang. Batay sa imbestigasyon ng Scene of the Crime Operatives, ang biktima ay nakatali ang mga kamay at paa at nababalutan ang ulo ng duct tape at may palatandaan na ito ay sinakal bago binaril.
Narekober malapit sa bangkay ng biktima ang apat na basyo ng bala mula sa kalibre 45 baril. Patuloy ang isinasagawang imbestigasyon ng Olongapo City PNP hinggil sa nasabing krimen para matukoy kung sino ang may kagagawan nito.
