OLONGAPO CITY – Dead on arrival sa pagamutan ang isang construction foreman makaraan itong barilin ng isang barangay tanod sa Old Cabalan sa lungsod na ito.
Kinilala n gpulisya ang biktimang si Salvador Rupa, 51, foreman sa construction project ng New Cabalan High School at residente ng Balite Lane, Purok 9, Barangay Old Cabalan.
Ang biktima ay nagtamo ng isang tama ng bala ng hindi pa mabatid na kalibre ng baril sa sintido matapos itong barilin ng suspek na si Leonilo Llamado, 44, barangay tanod at residente ng Balikatan Village, Barangay New Cabalan.
Sa imbestigasyon ng pulisya, inutusan ang biktima ng kanyang live-in partner na si Jocelyn Dizon, 36,na bumili ng uling sa kalapit na tindahan, pagkaraan ng ilang minute umalingaw-ngaw ang isang putok ng baril, bumagsak sa semento na duguan ang biktima.
Ayon pa sa ulat, nakita n iDizon na ang kanyang dating live-in partner na si Llamado ang bumaril sa biktima.
Ang suspek ay mabilis na tumakas matapos isagawa ang krimen at ngayon ay pinaghahanap ng pulisya.
