Keta pu kekami ating miyasawa
A parehung ngeni idad nang otsenta,
Pero ninu man ing mag-birthday karela
Keng sikat a ‘fastfood’ yan pagmasusyan da.
At nandin ping bandang alas dyes ning abak
I Apu ya pa ing kang Ingkung menagkat
Lumwal la ban agyang mapali mung sopas,
Ing birthday ning matwang babai milabas.
Karas da reti keta king ausan dang Jobilli,
Minorder yang agad ing matwang babai;
Adwang silyo sopas, at ngana pa niti:
“Medyu bilisan yu, danupan na kami”
(Aba, wapin pala obat sopas ining
Inorder da? Atin, na ken masasaling
Kapangan, ayanti mo pin ing mapaling
Pansit a sebawan at maparas tambing).
Ing inorder deti kabang kakanan da,
Ing matwang babai e no’ patdan mata
Ding adwang ‘teenager’ lele ning kubeta
Ning mesabing ‘fastfood’ malapit iskwela.
Kabang den pasimpli lang mipangarinyu
Agyang karen ating makakit a tau,
Inya ining matwang babai, balamu
Anti yang megyam o merirya siguru.
“Ompong neng makakit kung kalupa na nyan
Anti ku mong’ sisilaban a katawan,
Agyang matwa ta’na e ku balung sabyan
Nung bakit mapali ku pa pakiramdam?”
“Obat e pin anti ka mong masisilab
A pakiramdam keng ikit mu neng berat?
Lon mo reng susu mu a maybug manakbag
Makasoso lang keng kakanan mung sopas!”
Glossary: kalupa/kabas a kabaldugan
Otsenta – walung pulu, (eighty in English)
Pagmasusyan – pagselebran, celebrate;
Apu – (aus keng babai), Ingkung (lalaki)
Obat – bakit, ot (why in English)
Danupan – maranup; gutom (tagalog)
Masasali – mabibili sa tagalong; can buy in English.
Maparas – maahangahang sa tagalog; spicy
Tambing – antimanu; agad; already set in.
Menagkat – nagyaya (tagalog); invite in English)
Sopas – mapali at sebawan a kapangan
Silyo – mangkok (tagalog) a bigger cup)
Megyam – akaparan, melibang, mewili.
Mipangarinyu – mipaglambing, mipaglantung
Antimong sisilban – balamu tatamban keng pali;
Agyang asna king karimla, natural mu kenu man
Ing karburador magredondu ya at mandar.
Berat – muting, mesling (may say envy)
Manakbag – manabu, mabaldug
Makasoso – nakasawsaw; ‘soak in something hot)
Patdan – e buring matda keng panimanman.
