Mapad – maburi; Masalapi – macualta
Mayacayan – mabandi, haciendero
Mapamandi – mapangamcam
Malilimadmad – mamasamasa, e pa malangi
Melapirut – mesipit a puad o tacde
Mesintang – mesira, mebalbal, medisgrasya
Mipanganiaya – mitaya keng e mayap a bage
Mapangarirya – ‘maingitin’ (sa wikang tagalog)
Masibucan – subuc keng gelingan (‘tested)
Masangil – malupit, alang lunus (cruel)
Macapangablad – macalunus-lunus
Mekinis – meket; Metecas – mepirait.
Misumpung – mibangga, misabal
Melumpawi – mitda, miwacasan
Macasnuc – macasora, macabuysit
Malanasi – culda, biabas a e pa malulut.
Masulisita – mapangutang, dacal a pakialaman
Malantung – malapit careng lalaki, malandi
Malantung (2) – baguc a matsura bau
Mengascad – mengasyas; Mascup – makiput
Malasipun – laman ning bucu a e sagad catwa
Marasdas – bibewan a pale keng asung a cailangan
bewan miamas-amas ban alang ilo mitagan.
Merusmia – melyu; Mabac – maugtu
Malintuang – mamurit-murit, magulo caisipan
Melapupuri – amanu yang ipawaga niti ing mete
ne ing taung pacsa na ning pamangilala bilang
mayap a opisyal o cabilang caring mangarangal.
Mapamaramdam – mapagsalitang ating laman
a e masanting at ing pataniran na casiping niamu
o carungut ne. Iti, ing e mayap a panugali ring aliwa
a nung banayad suryan, balamu manamun pate.
Mapanumis – mapaninsultu, mapamintas
Manibalang – prutas a e pa ganap malulut
Mapanusig – mapamintu, e masulit casabi
Masicanan – maupaya, maimpluwensya
Mapanusga – mapanatul, benggasador
Mapangabiran – ating kikilingan o kakampian
Mapangusinti – kusintirul, alang disiplina
Maricdic – matimid; Mapad – maburi
Malicwatas – taladtad a maliaring baligtaran
ta’la pangasucung ding amanu, partikular
ing pangasulat ning poesia, iti e pa murin
manuman a cabaldugan o pulayi calamnan.
Migpalpatuc – licas careng manuc ing magpalpatuc,
pero ing salitang iti, lalarawan ta’ya mu naman nung
misan caring taung e masanting a caraptanan, at nung
nu’potang masipit la icanta reti ing gewa rang e ustu
Masalampitic – marangal, matapang at alang dungis
Malapanas – iti aus king ticatic a patac ning uran
Malalagua – mabilisan, e macupad a pangimut
Malumbe – malungcut, malsimi, alang sigla
Mapamiasa – mapanargabya, mapanecas
Mapangadi – cosiang, mapanyimba
Malipup (a pakiramdan) – magcasakit mangisnawa
Masasal – mabilisan at buring papalyarian agad. ~
