LUNGSOD NG BALANGA — Umakyat sa 344 ang kabuuang bilang ng mga aktibong
kaso ng coronavirus disease sa Bataan, batay sa pinakahuling tala ng provincial
health office noong Miyerkules.
Ang mga aktibong kaso ay matatagpuan sa Balanga City – 73, Limay – 31, Pilar –
19, Mariveles – 58, Orion – 17, Abucay – 14, Dinalupihan – 59, Hermosa – 19,
Morong – 8, Orani – 17, at Samal – 29.
Sa kasalukuyan, 39,233 na ang kabuuang bilang ng mga nagpositibo sa Covid-19
sa Bataan matapos magkaroon ng 65 na mga bagong kumpirmadong kaso:
Abucay, 5; Balanga City, 9; Dinalupihan, 10; Hermosa, 2; Limay, 8; Mariveles, 13;
Orani, 4; Orion, 2; Pilar, 2; at Samal, 10.
May 55 bagong gumaling na nagpataas sa 37,477 ang bilang ng mga naka-
rekober. Walang naitalang bagong nasawi kaya nananatili sa 1,442 ang mga
pumanaw na.
Patuloy ang paalaala ng PHO at ni Gov. Jose Enrique Garcia III na sundin ang mga
itinakdang health protocol tulad ng paghuhugas ng kamay, pagsusuot ng face
mask at social distancing at magpabakuna.
