GABALDON, Nueva Ecija – Nakaligtas sa kamatayan ang isang 73-anyos na dating
miyembro mg Philippine Constabulary (PC) matapos barilin ng ‘di pa nakilalang
suspek sa loob ng kanyang tindahan sa Barangay Bagong Sikat ng bayang ito
bandang alas-8:15 ng umaga nitong July 10.
Ang biktima ay nakilalang si Edgardo del Rosario, may-asawa at residente ng
naturang lugar.
Sa imbestigasyon ng pulisya, ang biktima ay nasa loob ng kanyang agricultural
supplies store nang dumating ang isang lalaki at kapagdaka’y binaril ito sa dibdib
gamit ang isang handgun.
Ang suspek na tumakas sakay ng single na motorsiklo ay inilarawan lamang na
naka-pantalong maong, naka-rubber shoes, naka-dark blue jacket at naka-bull
cap.
Mabilis na naisugod sa Gabaldon Medicare Community Hospital para sa pang-
unang lunas ngunit kinailangan ring ilipat sa isang ospital sa Cabanatuan City ang
biktima, ayon sa pulisya.
Tinitingnan ngayon ng pulisya ang anggulong land dispute batay na rin sa pahayag
di-umano ng anak ng biktima.
