Kasama ni Mayor Rolen Paulino Jr. ang mga namumuno ng mga barangay na pinagkalooban ng service hicles. Kuha ni Johnny R. Reblando
LUNGSOD NG OLONGAPO — Pormal ng ipinamahagi ngayong Lunes ni Mayor Rolen Paulino, Jr. sa natitirang pitong barangay ang pitong service vehicles na nagkakahalaga ng P1 milyon bawat isa.
Nauna nang nabigyan nang mga ganitong klaseng sasakyan noong nakaraang taon ang 10 pang barangay ng lungsod.
Hiniling ni Paulino sa mga opisyal ng barangay na ingatan at alagaang mabuti ang ang mga sasakyan dahilsa kahalagan ng mga ito sa kanilang barangay at ang pinambili dito ay galing sa buwis ng taumbayan.
“Alam naman natin na kailangan talaga ng barangay ang service vehicle lalo na ngayon nahaharap tayo sa malaking problema, ang paglaganap ng Covid-19. Kailangan natin ang sasakyan na gagamitin sa emergency, pag–aasikaso ng ibat-ibang problema sa barangay,” dagdag pa ni Paulino.
