Nung aku mu rin sa ing malyari buri
itang kapayapan ya mayling mag-ari,
ala na sang dayang magus at tulari
a panyugatan ding mataram a tari;
at ita sang lugud a matas a uri
yang lunto king banwa—guintung pinenari.
O’ wa, kasampat na, sakdal king kasampat
nung ing paginakit, tuknang at mayampat;
nuya karin wari miyangganan dapat
ban ing katlung barug e ne maging apat;
e wari malagu at karapat-dapat
itang pamiyusig king mayap a dapat?
Nung yanang magbabo itang paginakit
at pamipagkamwang makapanasakit;
ing pamikalugud a buri tang akit
malyap yang tagimpan a e ta sungkit,
pablasang king pusu ya na ing midukit
ing byuk nang matuling ning kaplas at sakit.
Inya kukutang ku: Bakit? Bakit kaya?
Nanung matsura ning pamyabe masaya?
Obat nung ninu pang miparehu daya
ila pa ding mismung mipapanganyaya,
king pamibunu ra ya ing makataya
ing bye na ning Indung mekutun na laya!
Ing dalung ku karing tapat tang kapatad
pamisusunggalit sukat nang mapatad;
at yang ipuk tamung ike king libutad
ing parasan tamung malino milantad,
inya O’ kabalen king syudad at gutad
lugud king amanung sisuan yang iyatad.
Yatad tamu kaya, king Indung inirug
lugud a dalise maslag pa keng bubug
inya ilele na ing kamwa at tabug
king pamisanmetung karin tamu talbug
ban king pusu tamu tikdo ya bantayug
ing amanung manang e ta bustan lumbug…..!
itang kapayapan ya mayling mag-ari,
ala na sang dayang magus at tulari
a panyugatan ding mataram a tari;
at ita sang lugud a matas a uri
yang lunto king banwa—guintung pinenari.
O’ wa, kasampat na, sakdal king kasampat
nung ing paginakit, tuknang at mayampat;
nuya karin wari miyangganan dapat
ban ing katlung barug e ne maging apat;
e wari malagu at karapat-dapat
itang pamiyusig king mayap a dapat?
Nung yanang magbabo itang paginakit
at pamipagkamwang makapanasakit;
ing pamikalugud a buri tang akit
malyap yang tagimpan a e ta sungkit,
pablasang king pusu ya na ing midukit
ing byuk nang matuling ning kaplas at sakit.
Inya kukutang ku: Bakit? Bakit kaya?
Nanung matsura ning pamyabe masaya?
Obat nung ninu pang miparehu daya
ila pa ding mismung mipapanganyaya,
king pamibunu ra ya ing makataya
ing bye na ning Indung mekutun na laya!
Ing dalung ku karing tapat tang kapatad
pamisusunggalit sukat nang mapatad;
at yang ipuk tamung ike king libutad
ing parasan tamung malino milantad,
inya O’ kabalen king syudad at gutad
lugud king amanung sisuan yang iyatad.
Yatad tamu kaya, king Indung inirug
lugud a dalise maslag pa keng bubug
inya ilele na ing kamwa at tabug
king pamisanmetung karin tamu talbug
ban king pusu tamu tikdo ya bantayug
ing amanung manang e ta bustan lumbug…..!
