Ing poesia miparikil ya karing kandidatung miputungan koronang laurel keng Agosto 28, 2010. Iting kawatasan magsilbi yang paganaka karing mangaintulid miputungan, king ing koronang laurel e ya kabud mu putung ning karangalan nune metung ya naman kapakibatan. Manimuna karing kapakibatan na ning metung a Poeta Laureado ya ing sesen ne at pakamalan ing amanu nang akagisnan.
Dacal lang poetang
magnasang magcamit king coronang guintu
para mo carela,
yang magsilbing wagang poeta nong tutu;
uling ing imbut da
ing miputungan mu king bague patutu
at ala carela
ing tune lugud king dilang catutubu
inya pangaibat dang
mica-atin galal magpampan na lamu
at ing masabal da
king amanung sisuan, e ra na isundu.
Agyang canita pa
dacal lang balu cung poetang mekiglo
mica laurel la
at sinlag la lagyung anting bulalaco,
caibat ning kimtan da
maningning a dangal babo ning Parnaso
sininup dong lira
at king pamisunis e na bisang ticdo,
nanung ulaga na
ning mitagurian lang Poeta Laureado
nung yanang sepu na
bara neng ibili ing pusan king pago.
Para mo canacu,
putung a laurel king canacung canuan
aliwa ing sepu
nune ya ing mula ning maldang casuyuan;
ibat ngeni, ngacu
gawan cung agyu cu ban akit keng minuan
ing cacung amanu
a pepamana ra ding matuang ibatan,
uling ken mong lub cu
ban maguing dapat cu king dangalan a yan
sucat mung tupad cu
king canacung tungcul at capakibatan.
Kapakibatan ya,
ing mica-laurel, catambal ning tungcul
a palabungan ya
ing amanung sisuan king sese at gambul,
at paranuman ya
caring cawatasan a malino sibul
ban keta sican ya,
lumabung, manyanga, mica-atin sulul,
agyang sican ya pa
at manialampac ne king tibe at dagul
ing plumang Poeta
e dapat painawang misinup king baul.
Inia, nucarin la
ding mica-laurel ning amanu tang mal
sana, mulingid la
at paki-anti re ing kimtan dang dangal,
mipacde no sana
at manimuna la king pamagmasabal
ban patatagan ya
ing amanung manang bigsu na meyasual
layun pakit da ya
itang alimbawang apusan ding dacal
king tungcul ya pala
at capakibatan ing laurel a galal.
Dacal lang poetang
magnasang magcamit king coronang guintu
para mo carela,
yang magsilbing wagang poeta nong tutu;
uling ing imbut da
ing miputungan mu king bague patutu
at ala carela
ing tune lugud king dilang catutubu
inya pangaibat dang
mica-atin galal magpampan na lamu
at ing masabal da
king amanung sisuan, e ra na isundu.
Agyang canita pa
dacal lang balu cung poetang mekiglo
mica laurel la
at sinlag la lagyung anting bulalaco,
caibat ning kimtan da
maningning a dangal babo ning Parnaso
sininup dong lira
at king pamisunis e na bisang ticdo,
nanung ulaga na
ning mitagurian lang Poeta Laureado
nung yanang sepu na
bara neng ibili ing pusan king pago.
Para mo canacu,
putung a laurel king canacung canuan
aliwa ing sepu
nune ya ing mula ning maldang casuyuan;
ibat ngeni, ngacu
gawan cung agyu cu ban akit keng minuan
ing cacung amanu
a pepamana ra ding matuang ibatan,
uling ken mong lub cu
ban maguing dapat cu king dangalan a yan
sucat mung tupad cu
king canacung tungcul at capakibatan.
Kapakibatan ya,
ing mica-laurel, catambal ning tungcul
a palabungan ya
ing amanung sisuan king sese at gambul,
at paranuman ya
caring cawatasan a malino sibul
ban keta sican ya,
lumabung, manyanga, mica-atin sulul,
agyang sican ya pa
at manialampac ne king tibe at dagul
ing plumang Poeta
e dapat painawang misinup king baul.
Inia, nucarin la
ding mica-laurel ning amanu tang mal
sana, mulingid la
at paki-anti re ing kimtan dang dangal,
mipacde no sana
at manimuna la king pamagmasabal
ban patatagan ya
ing amanung manang bigsu na meyasual
layun pakit da ya
itang alimbawang apusan ding dacal
king tungcul ya pala
at capakibatan ing laurel a galal.
