NA-TRAUMA si Ai-Ai delas Alas sa kanyang swimming lessons nang sabihin sa kanya ng kanyang instructor na subukang lumangoy sa pool na 10 feet ang lalim. Eh, nu’ng simula ng paglangoy niya, sa lalim na four feet muna siya nag-swim at sumisid.
“From the scratch kasi ako dahil hindi talaga ako marunong lumangoy. Floating lang ang alam ko. So nang sabihin sa akin ng instructor ko na sa 10 feet naman ako lumangoy, go naman ako.
Kinakarir ko siyempre ’yon dahil ’pag sa dagat na kami, sa 10 feet din talaga kami magsu-shoot! “So ako, try sa 10 feet. Eh, paglubog mo, siyempre, kailangan mong mag-bubbles! Potah, sumobra ako at dumiretso ako sa ilalim! Nag-panic ako! Dapat hanggang sa gitna lang ako.
Hindi ko maabot ’yung tiles kasi ’pag sa four feet, abot ko ’yung tiles ’pag lumubog ako! “Hindi nangyari ’yon at dumiretso ako sa ilalim! Ha! Ha! Ha! Hinugot lang ako ng instructor ko para umangat! Nakakaloka! Muntik na akong malunod!” chika sa amin ni Ai-Ai.
Kaya naman daw ayaw muna ni Ai-Ai na mag-shoot sa underwater. Studio muna ang kinukunan niya bilang ina-inahan ni Anne Curtis sa Dyesebel. ’Yun nga lang, may buting naidulot din daw ang pag-aaral niyang lumangoy. Lumiliit daw ang tiyan niya na pinagmalaki niya habang aming kausap.
Tukso nga namin, puwede na uli siyang magkaroon ng lalaki. “Ayoko nang mag-asawa, no?” deklara niya.
Sabay bawi ng, “Crush-crush na lang ako ngayon! Ha! Ha! Ha!” Kasi naman, nakakarinig siya ng kantiyaw sa anak na si Sancho ’pag napapansin na may kilig sa aura niya.
“Siyempre may feeling din akong lungkut-lungkutan. Nag-iisa lang naman ako, ’di ba? Pero everything is under control! Tama na ’yung kinilig-kilig lang muna ako! Ha! Ha! Ha!” rason ni Ai-Ai.
