AMINADO si Kim Chiu na nape-pressure siya sa sobrang galing ng mga kasama niya sa Ikaw Lamang sa pangunguna na nga ng leading man niyang si Coco Martin.
Aside from Coco, nandiyan din ang magagaling na veteran stars na sina Cherry Pie Picache, Cherrie Gil, John Estrada, Angel Aquino, Ronnie Lazaro among others. Also joining them in the cast are Julia Montes and Jake Cuenca.
“Lahat sila, award-winners. Buti na lang, nakasungkit ako ng EducCircle (Best Actress) Award,” natatawang sabi ni Kim. Wala raw siya talagang masabi sa sobrang husay ng kanyang mga co-stars.
“’Pag magre-rehearse, magte-take, sobra silang into character na 1970s. Kahit kung paano sila maglakad, kahit hindi pa nagti-take. So, parang ikaw, parang mahiya naman ako siguro, dapat pag tinawag ako, ‘ako si Isabelle, 1970s ’to, Farrah Fawcet ’yung hair ko,’ ganu’n,” saad ni Kim.
Dahil from 60s up to present ang settings ng Ikaw Lamang, kinailangan talagang i-set-up ng produksyon ang mga sinaunang period at say ni Kim, talagang naexcite siya sa 70s era.
“Kasi ang gaganda ng mga damit, ang gaganda ng accessories, ng mga hairstyles. From head to toe, as in sobrang 1970s, pati ‘yung mga props, pati ‘yung bahay, plato, lahat, 70s talaga,” say ni Kim.
We learned na nag-hire pa talaga ang Dreamscape ng magaling na hair and make-up artist para sa serye, si Ruben Nazarette na naka-base na sa Palawan pero talagang hinanap daw talaga nila to get his services.
Si Eric Pineda naman daw ang namamahala ng wardrobe and costume and si Manny Morfe for the production design. Magsisimula na sa March 10 ang airing ng Ikaw Lamang sa ABS-CBN Primetime Bida.
