Inamin ni Richard Gutierrez ang relasyon nila ni Sarah Lahbati. Sa unang pagkataon, sa isang interview in connection sa kanyang bagong TV show, sinabi ni Richard na nag-umpisa ang opisyal nilang relasyon sa pagtatapos ng kanilang serye noon sa GMA 7.
Suwerte si Sarah kay Richard, puwedeng sabihing mahal nga siya nito. Kasi nga, parang lumalabas na siya pa lang ang unang babaing inamin ni Richard. Yung iba kasi, nagdilly-dally si Chard everytime na tinatanong siya.
In fact, kahit na open secret ang relasyon niya noon kay Jewel Mische, walang kumpirmasyon mula sa kanya.
Natapos ang relasyon nang hindi man lang nagsalita si Richard.
More or less, ganun din si Richard sa iba niyang relasyon.
Pero kay Sarah, talagang halos tumula na siya sa Twitter sa mga sinabi niya tungkol sa bago niyang love.
Sa mga press, nagkuwento si Richard ng mga experiences nila ni Sarah sa isang bakasyon together sa Europe.
“I’ve been through all over, ang dami ko nang pinuntahan na lugar.
“At, ngayon, masayang-masaya ako na magkasama kami at nagdi-discover kami ng mga bagong lugar na hindi pa rin niya napupuntahan, hindi ko pa napupuntahan.
“I’m just very happy na nakaikot kami.
“Matagal ko na talagang pinaplano na magkaroon ng Europe trip kasi ilan taon na akong hindi nakakabalik.
“After ng schedule ko this year, I wanted to leave the country for a bit and see Europe.
“Sakto na kasama ko si Sarah.”
Nagpunta raw sila sa lugar kunsaan lumaki si Sarah—ang Geneva, Switzerland.
Sabi pa ni Richard, “In-explore namin yung lugar niya. Gusto ko rin makita yung Geneva.
“I’ve never been to Geneva. I’ve never been to Switzerland—and isa ‘yon sa parang dream ko na mapuntahan na lugar.
“At mas naging perfect pa ang travel ko dahil kasama ko si Sarah. “Naging enjoy yung trip namin dahil happy kami na magkasama.”
Ano ang mga katangian ni Sarah na nagustuhan ni Richard? “Si Sarah, mabait siya, very sweet and, at the same time, marami kaming mga things in common.
“Parang yung personalities namin, tugma.
“She’s outgoing. She likes sports… walang baggage.
“Very light siya na kasama, so enjoy kami.
“We can travel, we can walk. We can do whatever na kaming dalawa lang.
“Masaya kami.”
