Nang magsimula si Lovi sa kanyang singing career ay inalalayan siya ni Ogie. Nang mag-guest si Ogie sa programang Show Me Da Manny, panay ang biro niya kay Lovi na noon ay neneng- nene pa ito, pero ngayon ay dalagang-dalaga na at puwede nang pakasalan.
Kasi ba naman controversial si Lovi ngayon. Pagkatapos makipaghiwalay kay Jolo Revilla, may Congressman Ronald Singson siya ngayon na mature enough para mag-alok kay Lovi ng kasal. Kaya tuloy si Ogie ay pabirong sinabihan si Lovi na pakakasal ka na ba?
“Di pa po ako magpapakasal. Wala pa po sa isip ko ‘yan,” namumula ang pisngi sa hiyang sagot ni Lovi kay Ogie.
Anyway, until now ay wala pang inaamin si Lovi tungkol sa kanila ni Cong. Ronald. Basta panay lang ang puri niya sa binatang anak ni Chavit Singson. Mabait at maalalahanin daw ito.
Pero, ganyan naman si Lovi, ‘di ba? Wala siyang inamin nu’ng panahon na sila pa ni Jolo, pero nang naghiwalay na sila, nasabi niyang mahigit dalawang taon din silang naging mag-on
Incidentally, parang nakatulong sa acting ngayon ni Lovi ang pakikipaghiwalay kay Jolo. Kasi, naging effective ang pag-arte niya sa pelikulang Sagrada Familia kung saan isa siya sa mga bida.
