Matatandaang magkakasama noon sina Angelica, Camille, at Shaina sa bakuran ng ABS-CBN. Naiwan sa ABS-CBN sina Angelica at Shaina, samantalang nasa GMA-7 na si Camille. Nagkaroon din ng hindi pagkakaunawaan sina Angelica at Camille na naayos naman pagkatapos ng mahabang panahon.
“Nakakatuwa talaga, alas-kuwatro na ng umaga nang maghiwahiwalay kami. Ako lang ang magda-drive nun. May kasama akong friend na nakatulog na, so kailangan ko na talagang umuwi. Tapos siyempre, si Camille, may baby na siya. So, hindi na talaga siya puwedeng magpuyat nang sobra.
“After nun, nagkakausap na kami. Nung nagkasakit ako, kinumusta ako ni Camille. So I can say sobrang okey na kami. ‘Yan naman ang sinasabi before pa na darating kami sa point na magiging okey na ang lahat. Na pag nag-look back kami, matatawa na lang kami sa lahat ng nangyari.”
