Ang suspek ay kinilalang si William Gonzales, residente ng Mexico, Pampanga.
Ayon sa PDEA, kumagat sa buy-bust operation ang suspek at matapos makabili dito ng tatlong gramo ng shabu ay agad na natunugan na PDEA ang katransaksyon.
Kasunod noon ay nagkulong daw ang suspek sa loob ng kanyang sasakyan na tumagal ng halos 10 minuto. Malaunan ay napilitan din itong buksan ang kaniyang sasakyan saka ito naaresto ng mga operatiba.
Nang dalhin sa tanggapan ng PDEA ang suspek ay dito na ginamitan ng K9 unit ang sasakyan nito at dalawang beses na umupo ang aso na inidikasyon na may droga pa sa loob ng sasakyan.
Nang siyasatin ay napansin ng PDEA na butas ang bahagi ng kambyo ng sasakyan ng suspek. Sa sirang kambyo ay nakita pa ng PDEA na nakahulog sa butas ang isa pang sachet ng shabu na tumitimbang ng isang gramo.
Hinala ng PDEA na habang nagkulong ang suspek sa loob ng kanyang sasakyan ay doon nito sinira ang kambyo saka inihulog ang mga sachet pa ng shabu upang hindi na makumpiska pa mula sa kanya.
Ayon sa PDEA, nagkakahalaga ng P24,000 ang halaga ng shabu na nakumpiska mula sa suspek na kasalukuyang nakaditene ngayon sa PDEA Region 3 dahil sa paglabag sa Comprehensive Drugs Act.
Wala daw ito sa listahan ng mga drug surrenders ngunit nag-ooperate sa mga bayan ng Mexico at San Fernando.
Pinabubulaanan naman ang nasabing suspek ang akusasyon at hindi raw kanya ang nakumpiskang mga droga.
Aniya hindi siya ang katransaksyon ng PDEA na isang nagngangalang si Bon at asawa nito na agad na nakatakas matapos makatunog na PDEA na ang kanilang katransaksyon.
