1.
Ikwa neng akamatayan ning malugud a ibpa ku ing megi nang dake niti ketang himno fernandinu dakal la ring mabie saksi pati na ing Apung Guinu kanitang salukuyan neng babalangkas itang himnu dapot itang kumpari na kinwa na ngan ing kreditu king ba ya mung mibulalag king syudad ning San Fernandu
2.
E na naman ikarangal ning ninu man king kayang bie samsaman ing e na tingka a nanu man klasing bage
itang makakayat wawa a yumu na ning tagumpe
agiang nanan neng namnaman e ne apilasang tune
nanu mo ing kuswelu na nung balu nang e ya mibie
ketang dapat pamirikilan pamangilala at puge
3
Maligaya ya mo kaya, king depat nang pamanekas?
inangkamin ne ing himno, nanu? ba yang mamaragas?
samantalang alus karing mapilan pang mabie watas
balu rang aliwa iya ing kaniti mibalangkas atin ya mang poesia i tang Felix ing minyamas king ban lunto lang manayun ding bersu nang tikwas-tikwas
4.
Ing himnu ning fernandino linto ya mung kontrobersiyal
uling ing tune kinudta ing lagyu na e mipabal ing taung migsakripisyu, peipuyat at mepagal king pamamikudta kaniti e mirinan mang parangal peintun ne ing matulid na e tinuknang mekipagkal e meramdam pauli ning impluwensiyang pulitikal
5.
Aliwa i bapang Norming ing sinulat king lirika iya mu ing mengilapat king lawiwi da ring nota i tang Felix ing melangkas king kalamnan na ning kanta at iti mibulalag ing katutuan selikut da pauli na ning milyari kanita na migumpisa ing e ra pamikasundu bista’t man mikumpari la
6.
Aliwa ya itang kang Juan, aliwa ya ing kang Pedru nung atin lang dake reti kilalanan lang parehu nung adwa la ring dinapat karela ya ing kreditu at e dapat ibabie mu kabud king metung a tau nanu mo ing diperensiya nung e tiga San Fernandu Ing sinulat king lirika na ning himno Fernandinu
