BALANGA City – Dinumog ng maraming deboto ang Itim na Poong Nazareno sa St. Joseph Cathedral sa lungsod na ito Biyernes ng gabi.
Umaapaw hanggang labas ng malaking simbahan ang dumalo sa isang banal na Misa.Hindi pa tapos ang Misa ay marami nang lumalapitsa itim na imahen na nasa isang sulok malapit sa altar. Humahawak, nagpupunas ng panyo, humahalik sa imahen ang mga deboto.
Tinatayang mahigit dalawang libong tao ang dumalo sa isaat lumahok hanggang sa prusisyon na dumaansa commercial district ng lungsod pasado alas-7 ng gabi.
Habang patuloy ang mahabang prusisyon, naghahagis si Jimmy Mangalindan sa mga tao ng mga tuwalyitang ipinunas sa itim na poon.
Ayon kay Mangalindan na isang radio broadcaster,limang taon nang ginagawa ang Misa at prusisyon sa Balanga City upang magkaroon ng pagkakataon ang mga debotong hindi makakapunta sa Quiapo, Manila na ipadama ang kanilang debosyon sa Itim na Poong Nazareno.
