BALANGA CITY – Simple ngunit nakakaakit ang disenyo ng bagong bukas na pamaskong dekorasyon sa Bataan Capitol dito.
Mga simpleng parol at belen sa isang kubo ang tampok at nagsisilbing paalaala sa nalalapit na kaarawan ng pagsilang ng Panginoong Hesus. Sa bungad pa lamang ay kapansin-pansin na ang mga Christmas lights na
tila nag-uunahang mahulog habang mula sa malayo ay nasisindihan ang mga simpleng parol na nakabitin sa ilang punong-kahoy at poste sa paligid at sa mismong harap ng Kapitolyo.
Sa isang bahagi ng Capitol ground ay natatanglawan ng mahinang liwanag ang isang karaniwang belen sa loob ng isang kubo. Iniutos ni Gov. Albert S. Garcia ang simpleng dekorasyon bilang simpatiya sa mga nasalanta ng bagyong Yolanda.
