ORANI, Bataan: Dagsa ang maraming deboto ng Virgen Milagrosa del Santo Rosario sa Orani Church sa Bataan o ng Minor Basilica and Shrine Parish of Our Lady of the Most Holy Rosary nitong pangalawang Linggo ng Oktubre.
Siksikan ang maraming tao sa loob at labas ng simbahan sa sunod-sunod na Banal na Misa na ginanap sa mismong kaarawan ng kapistahan ng Orani na ang Mahal na Birhen ng Santo Rosario ang patron saint.
Punuan ang simbahan dahil dinarayo ang Imahen ng Mahal na Birhen na itinuturing na milagrosa hindi lamang ng mga taga-Orani o taga-Bataan kundi ng iba mang mga lugar.
Kasalukuyang rector at kura paroko ng Orani minor basilica si Rev. Fr. Antonio Quintos. (30)
