LUNGSOD ng Balanga: Masayang ginunita ng Bataan provincial government ang ika-126 na Araw ng Kalayaan sa Bataan People’s Center sa capitol compound sa Balanga City ngayong Miyerkules ng umaga.
Sa pagdiriwang na may temang “Kalayaan, “Kinabukasan, Kasaysayan”, nagtipon-tipon ang mga opisyales at kawani ng Pamhalaang Panlalawigan para sa isang seremonya sa pagtataas ng bandila ng Pilipinas.
Sinabi ni Gov. Jose Enrique Garcia 3rd na ito ay isinagawa bilang pag-alala at pagpupugay sa kabayanihan ng ating mga ninuno na nakipaglaban para sa kalayaang ating tinatamasa sa kasalukuyan. (30)
