MARAPAT lamang ang agarang pagkilos
nitong sa Pampanga pangunahing lungsod
kaugnay ng ‘Tanggal Bulok, Tanggal Usok’
na isinagawa ‘vs. public transport’.
At kung saan ang pang-transport na ahensya
ng gobyerno, sa ilalim ng pangunguna
ng ‘Inter-Agency on Traffic’ sa mga
dyip na PUV ang sinampolan nila.
Natural lang na marami ang nabigla
sa mga tsuper na lubhang napamangha,
lalo ang kagaya riyan halimbawa
ng ‘smoke belcher’ at marami ang ‘wala’
Tulad ng kawalan ng ilaw, ‘side mirror,’
walang ‘signal light’ at kalbo na ang gulong
at iba pang gamit na pang-transportasyon,
kung kaya’t ang dami nilang ‘violation’.
Na nagresulta sa agad natiketan
at nakumpiska ang lisensya ng ilan,
na di n’yan malaman ang idadahilan
upang ang panghuhuli ay maiwasan.
Ang hirap sa ibang mga tsuper ng dyip,
at ‘operator’ diyan na sobra ang tipid,
anhin na lang wala nang bibilhin kahit
isang ‘screw’ lang o anumang pamalit
Para sa nasirang pyesa ng sasakyan
na pinapasada nila araw-araw,
kaya’t kahit pudpod na ang gulong minsan
ng kanilang dyip ay todo-pasa lamang.
At di alintana ang posibilidad
na ikadisgrasya o ikapahamak
ng pasahero n’yan ano pa mang oras
ang minamaneho ay biglang bumagsak.
At ang isang bagay na kataka-taka
ay kung bakit nakalulusot ang iba
sa ‘smoke belching test’ ang mga dyip nila
gayong ‘yearly required’ na magpa-’test’ sila
Sa mga ‘LTO Testing Center’ natin
bago makapasa ‘yan sa ‘Smoke Belching’
at iba pang bagay na kakailanganin
para sa ligtas na pagbibiahe pa rin.
Pero hayan, kundi pa nag-’conduct’ kwenta
ng ‘on-the-spot’ na aktual na pagrikisa
ang gobyerno at ang ‘concerned’ na ahensya,
di ‘nagising’ ang sektor ng ‘pamasada’.
Na apektado sa biglang pinag-utos
ng isa sa ating maunlad na lungsod,
sa gitna ng Luzon at karatig pook,
na ‘World Class City Mayor’ ang nakaluklok.
At bagama’t ‘last term’ na bale ni EdPam
pero patuloy pa niyang ginagampanan
ang tungkulin n’yan ng buong katapatan
para sa lungsod sa pinamumunuan.
Di gaya ng iba na komo’t pababa
na sa katungkulan, di na alintana
kung minsan ang dati nilang ginagawa,
(at mailap na rin sa prescon ika nga!)
