NGAYONG ang termino sa panunungkulan
ng mga opisyal nating pambarangay,
kasama na r’yan ang ‘appointees’ lang bilang
nitong nakaupo pang Punong Barangay
Ang katanungang kung tuloy ba talaga
itong ‘by appointment’ lang na pagtalaga
ng ating Pangulo ay sisimulan na,
ang siyang ating isyung pag-usapan muna
Upang sa gayon ay mabigyan ng linaw
kung hanggang kailan ang itinakdang araw
na mauupo ang mga OIC’s daw
na ipapalit sa nakaupo ngayon
Na kwenta nabigyan lamang ng ‘extension’
upang sa serbisyo nila magpatuloy,
na hanggang ‘last day of May’ lang at ‘1st of June’
mga OIC’s na ang iupo ni Digong.
Tama at nabigyan sila ng palugit
para manatili yan sa ‘seat of office,’
pero maaring oras na maisip
ng ating Pangulo ang kanyang ‘in public’
Ay sinabi niyang ‘more than forty percent’
ng kasalukuyan na mga ‘incumbent’
barangay officials ay ‘involved’ sa ‘racket’
ng bawal na droga bilang mga ‘pushers’
Anumang oras ay posibleng agaran
n’yang sa DILG ay kara-karakang
ipag-utos tiyak ng kagalang-galang
na Pangulo ang salitang binitiwan
Na kundi man lahat ay ibababa niya
pero malamang ay higit sa sitenta
porsyento ang mga Punong barangay na
malamang masibak o ibaba na niya.
At maaring pati pagkansela nito
sa nakatakda ng halalan sa Mayo,
ay gawin niya upang ang ilang ‘dorobo’
at ‘involved’ sa droga di na mananalo
Kung saan ay pihong gagamitin nila
ang ‘drug money’ para mangibabaw sila
laban sa sinumang kakandidato pa
pagsapit ng Mayo… kaya pihado na
Ang wala na munang talagang halalan
dahil pihong sila na naman uli r’yan
sa bawat barangay na dating hawak n’yan
itong mananalo kung magkahalalan.
Ganyan ang pananaw ng nakararami
kaya maaring tama ang presidente
sa hinuha niyang tunay ngang ‘drug money’
ang puno’t-dulo ng krimeng matitindi
Na nangyayari at di mapigil-pigil
nang dahil na rin sa aniya’y posibleng
higit kailan man ay itong iba nating
‘local offi cials’ ang kung minsan ‘King & Queen’
At ang tangi na lang ultimo remedio
para masugpo na ng ating gobyerno
itong talamak na bentahan ng shabu,
ay papabain na ang lahat na siguro
Na mapatunayan nilang sa ‘illegal drug’
ay sangkot kundi man ‘hari na ng tulak’
upang sa gayon ay tuluyang magwakas
dito sa’ting bansa ang kriminalidad.
At sa ganang aming sariling opinion,
gawin na sa lalong madaling panahon
ng ating butihing Presidente Digong
ang ‘by appointment’ at wala ng eleksyon!
