MAGPIPITONG taon na sa abeinte tres
ng Nobyembre ang pinaka-deadliest
na pag-massacre sa 34 Journalist
at iba pa, na ang total ay 58
Kung saan kasama sa napakabrutal
na pagpatay, (nitong sinasabing hitman),
ay ang misis noon nitong kalaban
sa pagka-governor ng mga Ampatuan
Na hinarang nila sa liblib na lugar
papunta sa Shariff Aguak para mag-file
ng kandidatura ni Esmael laban
kay Andal Jr. ng pamilyang Ampatuan.
At animo’y hayop na pinagbabaril
ng itinuturong suspek o salarin
sa pitumpu’t walong kababayan natin,
na kasama lang ng misis ni Esmael
Sa pag-fi le nga nito ng kandidatura
ng mister, kung saan sa kwenta convoy niya,
kabilang ang treynta’y kuatrong journalista,
abogado, ‘aides’ at iba pang kasama.
At kung saan pati ang napagkamalan
Nga nilang kabilang sa convoy, pinatay
dala na rin marahil nang nasaksihan
na posibleng maging tinik kalaunan.
Na hayan, bagama’t may mga nagkusa
nang tumayo para tumestigo yata,
pero base na rin sa napabalita,
ay paisa-isang biglang nangawala?
At ang kaso laban sa itinuturong
utak ng madugong pagpatay ay dedbol
na rin (at ang kanyang iba pang amuyong)
na sunud-sunuran kay Ampatuan Sr.
Sana ngayong ang ating Pangulong Digong
na ang umu-ugit sa Administrasyon
ay magawan niya ng kaukulang aksyon
ang kaso sa lalong madaling panahon
Nang sa gayon mabigyan na ng hustisya
ang pagkamatay ng kawawang biktima
ng ‘impunity’ o kawalan kumbaga
nang pananagutan ng mga maysala.
Na sanhi marahil nang sila’y malakas
sa pamahalaan nitong nakalipas,
na mahigit ‘6 years’ ay kampante lang lahat
ang nagpapatay na kampon ni Satanas.
Nakapagtatakang sa magkakasunod,
umupong pangulo hanggang sa matapos
ang ‘terms of office’ n’yan tila ni gabuhok
ay di umusad ang kaso sa ‘trial court’
Gayong ang naturang kaso ay malinaw
na kagagawan daw ng mga Ampatuan,
ayon sa ‘witnesses’ na kusang lumitaw
pero pagkatapos, di na makapa yan?
Para panindigan sa’ting Court of Justice
kung sino talaga ang tunay na ‘culprit;’
Subalit matapos, ni isang pagdinig
ay wala na, aywan lang natin kung bakit.
At sana nga, ngayong si Digong Duterte
na ang nakaupo bilang Presidente,
mabuksan muli ang usapin sa Korte
At ang umiral ay ‘norms of justice’ pati!
