maghalalan na – at kinabukasan
kahit di pa natin maaring malaman
kung sinong panalo at mga talunan;
Partikular na sa pinakamataas
na posisyon, pero may maaaninag
ng ngiti sa labi r’yan ng maka-Roxas
kung sa bilangan ay manok n’yan ang angat.
Gayon din naman ang kay Digong bumoto
sakali’t siya ang lumamang ng husto;
(Ng kay Grace Poe, Binay at Miriam Santiago
na umaasa rin naman na panalo).
Kasama na r’yan ang ibang nagsihabol
(mapa-nasyonal o lokal na eleksyon)
na umaasa rin syempre ng panalong
pinuhunanan n’yan ng kung ilang milyon
Kung kaya’t marahil pati di marapat
gawin nitong iba ay itinutulak
upang itong sa ‘survey’ palaging angat
mahila pababa para maibagsak.
Tulad halimbawa nitong si Trillanes
na nang dahil lang sa kanyang pagnanais,
(sa ‘vice presidential race’ makapanaig)
pati di direktang kalaban kinulit.
At pinalalabas na may ‘tagong yaman’
itong si Duterte para lang siraan,
gayong salat naman sa katotohanan
ang kay Mayor Digong ay ibinibintang
Pagkat ang aniya ay ‘hundreds of million’
na naka-deposit sa ‘account’ ni Mayor,
nang siyasatin ay ‘in thousand pesos’ lang yon,
kaya’t mali ang ‘expose’ ni Senator.
Di ko sinasabing itong si Trillanes
ay sinungaling o gawa lang ng tsismis
ang kay Digong ay pinalalabas pilit
na yan sa BPI may tagong milyones.
Kaya kung totoo ang ating nakalap
na impormasyong ang di pala pagtanggap
kay Tonio, ni Mayor na siya ang kuning Vice,
yan tiyak ang sanhi’t tanging naging ugat;
Kung bakit ngayon ay itong si Duterte
ay sinisiraan marahil ng dyaske;
(At maituturing na paghihiganti
ang ganyang pagkilos sa madaling sabi).
Na di nalalayo sa diskarte nitong
isang dating Solon, na kung kailan ngayong
ilang araw na lang bago mag-eleksyon
saka nagtawag ng madaliang ‘prescon’;
At ipinakita sa mga dumalo
ang anila’y ‘bombshell’ na panlaban nito
sa ‘sole opponent’ niyang Ninong pa umano
ng nagpa-‘presscon’ ang gustong ilampaso.
At kung saan itong katunggali bale
ngayon ng taong yan ang dating Alkalde
ng kinikilalang ‘competitive city’;
Na tunay naman din ngang kapuri-puri.
Kung totoong sina Digong at ang Solon
ay may tinatagong baho, bakit ngayong
kailan ‘few days’ na lang bago mag-eleksyon,
saka naghayag ng ganyang akusasyon?!
