Na posibleng gawin ng mga kalaban
Ni Grace Poe upang ang kandidatura niyan
Sa pagka-Pangulo tuluyang maharang?
Ngayong ang Senate Electoral Tribunal
Bumoto ng pabor kay Grace, at isa lang
Ang tanging sa anim na magkakasamang
Senador itong sa Petition nag-Yes lang
Na ma-disqualify si Grace Poe sa pagtakbo,
Ng pabor sa petisyon ni Rizalito
David – (na kung di lang din kumandidato
Ang ‘anak’ ni ‘Da King’ di umangal ito).
Pero ganun pa man ay di nagkaroon
Ng dibatihan o mahabang diskusyon
Ang tatlong hukom at anim na senador
Sa naging resulta ng ‘instant petition.’
At natural lamang na si Nancy Binay
Ay papabor syempre sa pag-disqualify
Kay senador Grace Poe pagkat ya’y kalaban
Mismo ng tatay niya sa pampanguluhan.
Sabagay ano pang dapat halungkatin
Upang ang pagtakbo ni Poe ay mapigil?
Ngayong kung kailan pa nag-Senador na rin
Saka lamang nila yan naisip gawin?
At kung di lang dahil sa di niya pagpayag
Tumiket yata kay Binay o Mar Roxas
Sa pagka-VP ay di ganyan kabigat
Ang mga bagay na biglang hinalungkat?
Ano pa bang dapat nilang pagdudaan
Kay senadora sa pagiging Natural-
Born Filipino niya kahit ampon lamang
Siya ng mag-asawang si Ronnie at Susan?
Ipagpalagay nang sa kwento ng iba,
May nag-iwan lang sa simbahan sa kanya,
Ya’y pagpapatunay na ang magulang niya
Ay taga-rito sa ‘ting bansa talaga.
Alangan namang sa ibang bansa galing
Ang may dala’t saka lang dito sa atin
Iniwan si Grace sa saan sinasabing
Napulot nga siya umano ni ‘Da King’.
Pagmasdang mabuti ang hitsura’t taas
Ni Ms. Grace Poe kung di ang taglay na sukat
Ay pam-Filipino at kulang sa tangkad
Para masabing siya ay ‘American size’
At ang citizenship nito’y American
Ayon sa detractors sa pulitika niyan,
Kaya anhin na lang, lalo nina Binay
Ay mailaglag si Grace Poe sa labanan.
At maging ng ibang katunggali nila,
Dala nitong si Poe ang siyang malamang na
Magpataob sa lahat ng kalaban niya,
Kaya anhin na lang ma-disqualified siya.
Bunsod nitong syempre kung alin ang siyang
Pinamatunog ang kanyang pangalan
Ay siya kaagad sa isip ng tanan
Ang ma-alala sa oras ng botuhan.
Lalo’t sa katulad niyang isang foundling,
Na natural-born na ngang maituturing,
Ya’y makahulugan saan man nanggaling
Si Grace Poe, ang higit na tatangkilikin
Ng nakararami… sapagkat kung sino
Ang sa labanan ay inaargabyado
At palaging paksa ng anumang issue,
Itong palagi nang sa laban panalo!
