hinggil sa alin ang prayoridad nito
Sa ibang bagay na labas sa Palasyo
ang sumisira sa sarili niya mismo.
Sanhi na rin nitong kung alin ang dapat
daluhan ay siyang bale-wala’t sukat,
Gaya nitong Martes nang dahil kay Roxas
sumipot sa isang 1st class na restaurant
Nang dahil nga lang sa ang biglang pagdalo
ni PNoy ay para magpakita ito
Ng suporta kay Mar sa pagkandidato
nito sa daratng na buwan ng Mayo.
At bagama’t hindi opisyal na lakad
ay inuuna ng Pangulo madalas,
Kung saan ang siyang daluhan niya dapat,
ang di niya magawang harapin at lahat.
Gaya noong iuwi ang SAF 44
mula sa ‘killing fields’ ng parteng Mindanao,
Ni anino yata ng ating Pangulong
BS Aquino III di nakita roon?
Gayong sina Binay at dating Pangulo
Fidel V. Ramos ay naroroon mismo
upang magpakita ng suporta nito
sa naulila at mga naging balo
Ng kaawa-awang mga kapulisan,
na animo’y kusang ipinain lamang
Nitong ilang matataas na opisyal
ng PNP, na kagaya ni Heneral
Alan Purisima, na kung tutuusin
ay suspendido at wala sa tungkulin
Nang makisawsaw yan sa opisyal manding
operasyon na ang bunga ay malagim.
Kung saan posibleng gustong maging hero
at kumita pati ng millions siguro,
Kaya nga kahit na siya’y suspendido
nakialam – at para magpasikat ito?
Batid ng lahat ang mga hinanakit
at sakit ng loob ng mga tumangis
Sa pagpanaw nitong isang buong ‘unit’
ng SAF 44 na ang buhay ibinuwis
Sa isang operasyon na hindi man lang
pinlano yata ng kinauukulan
Partikular nitong nasa Malakanyang
kaya umabot sa di inaasahan.
At pagkatapos ay parang bale-wala
lamang kay PNoy ang pagkapariwara
Ng apat na pu’t apat na parang kusa
nilang pinakatay sa tigreng masiba?
Ikaw man marahil ang kapamilya n’yan
ay di ka nga kaya lubhang masasaktan
Kung gaya n’yang parang bale-wala lamang
sa ama ng bansa ang pangyayaring yan?
Na higit binigyan niya ng importansya
ang planta ng Mitsubishi sa Laguna,
Kaysa dumalo sa pagsalubong nila
sa labi ng mahal nilang kapamilya?
Gayong kung talagang kanyang nanaisin
ay pupuede namang ang kanyang unahin
Ay ang ‘arrival’ ng kapulisan natin
na dapat mabigyan niya ng unang pansin
Kaysa sa pagdalo sa inaugurasyon lang
ng isang planta ng Mitsubishi riyan,
Na pupuede naman niyang ipagpaliban
at ipagpabukas kung kinakailangan.
Kaya nga marahil sa puntong naturan
ay tama lang ang matandang kasabihan:
Na kapag ayaw ay maraming dahilan,
pero sa gusto ay lahat may paraan?!
